...तर हैदराबादमधून निवडणूक लढवून दाखवा; ओवैसींचं राहुल गांधींना आव्हान

नवी दिल्ली : काँग्रेस नेते राहुल गांधी (Rahul Gandhi) यांनी ते तेलंगणा दौऱ्यावर असताना आपण टीआरएस, BJP आणि एमआयएमला निवडणुकीत आव्हान देण्यासाठी आल्याचं वक्तव्य केलं होतं. राहूल यांच्या याच वक्तव्यावरुन आता एमआयएमचे अध्यक्ष असदुद्दीन ओवैसी (Asaduddin Owaisi) यांनी राहुल गांधी यांना आव्हान दिले आहे. 'हिंमत असेल तर हैदराबादमधून (Hyderabad) निवडणूक लढवून दाखवा' असं ओवैसी म्हणाले आहेत.

ते म्हणाले, राहुल गांधी केरळच्या वायनाडमध्येही हरणार आहेत, त्यांनी हिंमत असेल तर हैदराबादमधून निवडणूक लढवून दाखवावी, नाहीतर मेडकमधून नशीब आजमावून पाहावे. पण तुम्ही वायनाडमध्ये हरणार आहात असं म्हणत ओवैसी यांनी गांधीना टोला लगावला आहे. राहुल गांधी हे तेलंगणा दौऱ्यावर असताना आपण TRS भाजपा आणि MIM ला निवडणुकीत आव्हान देण्यासाठी आल्याचं विधान केलं होतं. त्याला आता ओवेसींनी प्रत्युत्तर दिलं आहे.

टीआरएससोबत युती होऊ शकत नाही असं देखील राहुल गांधी यांनी स्पष्ट केलं आहे. तेलंगणा राष्ट्र समितीसोबत (TRS) कोणत्याही प्रकारची युती होऊ शकत नाही. टीआरएसशी युती करू इच्छिणाऱ्या काँग्रेस नेत्यांनी टीआरएस किंवा भाजपमध्ये जावं. तसंच कोणी केसीआर यांच्याशी युती करण्याचा विचार करत असेल तर त्याला पक्षातून बाहेरचा रस्ता दाखवला जाईल, असं राहुल गांधी (Rahul Gandhi) वारंगलमध्ये म्हणाले होते.

Edited By - Jagdish Patil