बिहार - दरभंगा मेडिकल कॉलेजच्या पीजी आणि यूजी विद्यार्थ्यांनी शुक्रवारी रात्री उशिरा दरभंगा येथील डीएमसीएचच्या ओपीडीजवळ असलेल्या औषध दुकानाच्या मालकाशी वाद घातल्यानंतर गोंधळ उडाला. या घटनेमुळे संतप्त झालेल्या विद्यार्थ्यांनी औषध दुकानासह तीन दुकानांना आग लावली. एक कारही पेटवण्यात आली. विद्यार्थ्यांचे हातखंडे पाहून आजूबाजूच्या नागरिकांनी त्यांच्यावर दगडफेक केली आणि पाहता पाहता संपूर्ण परिसर रणांगणात बदलला.
हे देखील पहा -
यादरम्यान गोळीबार आणि बॉम्बचे आवाज ऐकू आल्याची चर्चा आहे. यावेळी दोन्ही बाजूंनी दगडफेकही झाल्याचं सांगण्यात येत आहे. यामध्ये अनेक पोलीस जखमी झाले आहेत. घटनेची माहिती मिळताच बेंता ओपीचे पोलीस तेथे पोहोचले. मात्र, तेथील परिस्थिती पाहून अतिरिक्त पोलीस बंदोबस्ताची मागणी करण्यात आली. माहिती मिळताच सदर एसडीपीओसह अनेक पोलीस ठाण्याचे पोलीस तेथे पोहोचले. दंगल नियंत्रण दलालाही तेथे पाचारण करण्यात आले. आग विझवण्यासाठी अग्निशमन दलाला पाचारण करण्यात आले. यादरम्यान गॅस सिलिंडरचा स्फोट झाल्याने अग्निशमन दलाचे जवानही जखमी झाले.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.