नवी दिल्ली : काँग्रेस नेते पवन खेडा यांना दिल्ली विमानतळावरून अटक करण्यात आली आहे. रायपूरमध्ये कॉंग्रेसच्या नेत्यांसमवेत कॉंग्रेसच्या अधिवेशनात भाग घेण्यासाठी पवन खेडा इंडिगो फ्लाइटने जाणार होते. त्यावेळी दिल्ली पोलिसांनी त्यांना विमानातून उतरवत ताब्यात घेतले. दिल्ली पोलिसांचा असा दावा आहे की आसाम पोलिसांच्या सूचनेनुसार दिल्ली पोलिसांनी त्यांना ताब्यात घेतले आहे. (Political News)
आसामचे पोलिस महानिरीक्षक प्रशांत कुमार भुइयां यांनी वृत्तसंस्था एएनआय यांच्याशी झालेल्या संभाषणात म्हटले आहे की, आसामच्या दीमा हसाओ येथे कॉंग्रेसचे नेते पवन खेडा यांच्याविरूद्ध एक खटला नोंदवला गेला आहे. या प्रकरणात, आसाम पोलिसांनी त्यांचा रिमांड घेण्यासाठी दिल्लीला रवाना केले आहे. ते म्हणाले की, आसाम पोलिसांनी पवन खेडा यांना अटक करण्याचे आवाहन दिल्ली पोलिसांना केले होते. स्थानिक कोर्टाची परवानगी घेतल्यानंतर त्यांना आसामला आणले जाईल. पवन खेडा यांनी अलीकडेच पंतप्रधान नरेंद्र मोदी यांच्याविरूद्ध भाष्य केले होते.
पवन खेडांच्या अटकेविरूद्ध निषेध करण्यासाठी कॉंग्रेसचे नेते विमानतळावर आंदोलन करत आहेत. कॉंग्रेसने मोदी सरकारला हुकूमशाह म्हटले आहे. इतकेच नव्हे तर कॉंग्रेसने ही बाब छत्तीसगडमधील कॉंग्रेसच्या अधिवेशनाशी जोडली आहे. रायपूरमध्ये होणाऱ्या राष्ट्रीय अधिवेशनाला बाधित करण्याचा प्रयत्न असल्याचा कॉंग्रेसचा आरोप आहे.
दुसरीकडे, पवन खेडा यांनी ट्विट करत म्हटलं की, मला सांगण्यात आले की तुमच्या सामानाबद्दल काही समस्या आहे. माझ्याकडे फक्त एक हँडबॅग होती. जेव्हा विमानातून खाली आले तेव्हा असे सांगितले गेले की आपण जाऊ शकत नाही. मग असे म्हटले गेले- तुम्हाला डीसीपी भेटतील. मी बर्याच वेळेपासून थांबलो आहे. नियम, कायदे यांचा काहीच पत्ता नाही.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.