राज्यात पुन्हा भाजप-शिवसेना सरकार येणार का?; एकनाथ शिंदेंनी ठेवला प्रस्ताव

मुंबई : आताच्या घडीची मोठी आणि महत्वाची बातमी समोर आली आहे. शिवसेनेचे नाराज नेते एकनाथ खडसे यांनी पक्षासमोर एक मोठा प्रस्ताव ठेवला आहे. भाजपसोबत सरकार स्थापन करा आणि देवेंद्र फडणवीस यांना मुख्यमंत्री करा अशा स्वरूपाचा हा प्रस्ताव असल्याची माहिती सूत्रांनी दिली आहे. त्यामुळे राज्यात पुन्हा एकदा भाजप-शिवसेना युती होणार का? अशी चर्चा सुरू झाली आहे. (Latest Politics News In Maharastra)

विधानपरिषद निवडणुकीचा निकाल लागल्यानंतर महाराष्ट्रात राजकीय भूकंप येणार की काय? अशी शक्यता आता निर्माण झाली आहे. एकनाथ शिंदेंच्या नाराजीच्या पार्श्वभूमीवर घडामोडींना वेग आला आहे. एकनाथ शिंदेंच्या बंडानंतर दिल्लीतील राजकीय घडामोडींना वेग आला आहे. अशातच नाराज एकनाथ शिंदे यांनी शिवसेनेला एक प्रस्ताव पाठवला असल्याची माहिती आहे.(Maharashtra Political crisis News Updates)

या प्रस्तावात शिवसेनेनं महाविकासआघाडी सरकारमधून बाहेर पडावं, भाजपसोबत युती करावी. तसेच देवेंद्र फडणवीस यांना मुख्यमंत्री करावं. असं सांगण्यात आल्याची माहिती आहे. शिवसेनेचे काही नेते हा प्रस्ताव घेऊन मातोश्रीवर गेले असल्याची माहिती आहे. त्यामुळे आता शिवसेना पुन्हा एकदा भाजप सोबत जाऊन राज्यात सरकार स्थापन करणार का? अशी चर्चा राजकीय वर्तुळात सुरू झाली आहे.

जर सरकार स्थापन झालं, देवेंद्र फडणवीस मुख्यमंत्री झाले. तर मग मागील अडीज वर्षांपासून दोन्ही पक्षात चाललेली लढाई का? अशीही चर्चा राज्यातील राजकीय वातावरणात रंगली आहे.