Andhra Pradesh's New Capital: मोठी बातमी! विशाखापट्टणम आंध्रप्रदेशची नवी राजधानी, CM जगनमोहन रेड्डी यांची घोषणा

शिवाजी काळे..

Andhra Pradesh News: आंध्र प्रदेशचे मुख्यमंत्री जगन मोहन रेड्डी यांनी विशाखापट्टणम(Visakhapatnam) ही राज्याची पुढील राजधानी असल्याची घोषणा केली आहे. हैदराबादला केवळ 10 वर्षांसाठी तेलंगणा आणि आंध्र प्रदेशची सामायिक राजधानी म्हणून घोषित करण्यात आले होते. (Latest Marathi Update)

आंध्र प्रदेशचे मुख्यमंत्री जगनमोहन रेड्डी यांनी आज मंगळवारी जाहीर केले की, विशाखापट्टणम ही राज्याची राजधानी असेल. आंध्र प्रदेशातून तेलंगण वेगळे झाल्यानंतर आंध्र प्रदेश तेलंगणाची राजधानी असलेल्या हैदराबादमधून आपले काम चालवत आहे. मुख्यमंत्री जगन मोहन रेड्डी यांनी नवी दिल्लीत आंतरराष्ट्रीय राजनैतिक आघाडीच्या बैठकीत ही घोषणा केली.

यावेळी बोलताना " मी तुम्हाला विशाखापट्टणम येथे आमंत्रित करण्यासाठी आलो आहे, जी आमची राजधानी असेल. मी पण विझागला शिफ्ट होईल. मी तुम्हाला आणि तुमच्या सहकाऱ्यांना आंध्र प्रदेशमध्ये (Andhra Pradesh) व्यवसाय करणे किती सोपे आहे हे स्वतः पाहण्यासाठी आमंत्रित करत आहे, "असे जगन मोहन रेड्डी म्हणाले.