...म्हणून वसंत मोरेंनी राजीनामा दिला, मनसेच्या नव्या शहराध्यक्षांनी सांगितलं कारण

ज्ञानेश्वर हिंगोलीकर -

पुणे : महाराष्ट्र नवनिर्माण सेनेचे अध्यक्ष राज ठाकरेंच्या (Raj Thackeray) भूमिकेशी विसंगत भूमिका घेतली म्हणून वसंत मोरे (Vasant More) यांना पुणे मनसे शहराध्यक्ष पदाचा राजीनामा द्यावा लागला अशा चर्चा सुरु असतानाच आजच पुणे शहराध्यक्ष पदाची जबाबदारी स्विकारलेले नवनियुक्त शहराध्यक्ष साईनाथ बाबर (Sainath Babar) यांनी वेगळच कारण सांगितलं आहे.

ते म्हणाले, 'पक्ष विरोधी भूमिका घेतल्याने वसंत मोरे यांना राज ठाकरेंनी मुंबईत बोलावलं नाही. अशी चर्चा सुरु आहे मात्र, ते कारण खोटं असून वसंत मोरे यांचा कार्यकाळ संपल्याने त्यांची जबाबदारी मला दिली असल्याचं साईनाथ बाबर यांनी सांगितलं ते पुण्यात पत्रकार परिषदेत बोलत होते.

हे देखील पहा -

तसंच बाबर पुढे म्हणाले, 'राज ठाकरेंनी जबाबदारी दिल्याने आनंद वाटतो. राज ठाकरेंनी काल फोन करून बोलावलं, आज जबाबदारी दिली. तसंच राष्ट्रवादी काँग्रेस (NCP) कांग्रेस यात राजकारण करण्याच काम करत आहे. वसंत मोरेंना भेटून आलो आहे आता मोरे माझ्यासोबत काम करणार आहेत असंही बाबर यांनी यावेळी सांगितलं. तर येत्या १५, १६, १७ तारखेला राज ठाकरे पुण्यात येणार असल्याची माहितीही त्यांनी यावेळी दिली.

Edited By - Jagdish Patil