Street Dogs Attack In Pimpri Chinchwad : भटक्या कुत्र्याचा चिमुकल्यावर हल्ला; आजही पिंपरी चिंचवड महापालिका ढिम्मच

Pimpri Chinchwad News : पिंपरी चिंचवडच्या संत तुकारामनगर परिसरातील एका सहा वर्षीय मुलावर भटक्या कुत्र्याने हल्ला करत चावा घेतला आहे. या हल्ल्यात चिमुकला मुलगा गंभीर जखमी झाला. त्याच्यावर रुग्णालयात उपचार करण्यात आले. (Maharashtra News)

मोहम्मद शेख असं कुत्र्याच्या (stray dogs) हल्ल्यात जखमी झालेल्या चिमुकल्याचे नाव आहे. कुत्र्याने त्याच्या डाव्या हाताला तीन ठिकाणी कडाडून चावा घेतला. सुदैवाने परिसरातील नागरिकांनी कुत्र्याला हुसकावून लावल्याने मोहम्मदचा जीव वाचला.

भटक्या कुत्र्याचा चावा इतका भयंकर होता की कुत्र्याने मोहम्मदच्या हाताचे लचके तोडले. त्याच्यावर रुग्णालयात उपचार करण्यात आले. त्याला तब्बल १३ टाके पडले आहेत. दरम्यान पिंपरीच्या (pimpri chinchwad) संत तुकाराम नगर येथील शिवनेरी सोसायटी येथे घडलेल्या या घटनेमुळं पुन्हा एकदा शहरातील भटक्या कुत्र्यांचा प्रश्न ऐरणीवर आला आहे. पिंपरी चिंचवड महापालिका भटक्या कुत्र्यांबाबत ठाेस उपयायाेजना करणार का असा प्रश्न उपस्थित केला जात आहे.

Edited By : Siddharth Latkar