राज्य मंत्रिमंडळाची महत्वपूर्ण बैठक; ओबीसी आरक्षणावर चर्चा होण्याची शक्यता

सुशांत सावंत

मुंबई - आज राज्य मंत्रिमंडळाची महत्वपूर्ण बैठक होत असून, या बैठकीत ओबीसी आरक्षण निर्णय, ओमिक्रोनचे संकट यारवर चर्चा होण्याची शक्यता आहे. महाराष्ट्रातील स्थानिक स्वराज्य संस्थांच्या ओबीसी राखीव असलेल्या २७ टक्के जागांवर निवडणूक घेण्यास सर्वोच्च न्यायालयाने सोमवारी पुढील आदेशापर्यंत स्थगिती दिल्यानंतर ठाकरे सरकारवर जोरदार टीका होऊ लागली. विरोधक देखील आक्रमक झाले आहे.

हे देखील पहा -

त्याचमुळे सुप्रीम कोर्टाने दिलेल्या या निर्णयाबाबत आज कॅबिनेटमध्ये चर्चा होऊ शकते. याचसोबत राज्यावर येऊ घातलेले ओमायक्रॉंन या  विषाणूचे संकट यावर देखील मंत्रिमंडळ बैठकीत चर्चा होणार आहे. राज्यात ओमायक्रोनचे रुग्ण आढळल्यानंतर राज्यातील आरोग्य यंत्रणा अधिकच सतर्क झाली असून, हे संकट रोखायचे कसे आणि आणखी कशा पद्धतीच्या उपाययोजना कराव्या लागतील यावर विस्तृत चर्चा होण्याची शक्यता आहे.

Edited By - Shivani Tichkule