SBI Loan Interest Rate Hike : देशातील सर्वात मोठी सरकारी बँक म्हणजेच स्टेट बँक ऑफ इंडियाने (SBI) कोट्यवधी ग्राहकांना मोठा दणका दिला आहे. बँकेने आपल्या एका वर्षाच्या मुदतीसाठीच्या कर्जावरील एमसीएलआर (MCLR) म्हणजेच मार्जिनल कॉस्ट बेस्ड लेंडिंग रेट वाढवण्याचा निर्णय घेतला आहे. त्यामुळे बँकेकडून कर्जे घेणे महागणार आहे.
बँकेचे नवे दर १५ जानेवारीपासून लागू होणार आहेत. रिझर्व्ह बँकेने रेपो रेटमध्ये वाढ केल्यानंतर अनेक बँकांनी एमसीएलआर वाढवले आहेत.
एसबीआयच्या अधिकृत वेबसाइटवर दिलेल्या माहितीनुसार, बँकेने आपल्या १ वर्षाच्या एमसीएलआरमध्ये १० बेसिस पॉइंटची वाढ केली आहे. एमसीएलआरमधील ही वाढ फक्त एका वर्षाच्या मुदतीसाठी करण्यात आली आहे.
एका वर्षासाठी एमसीएलआरमध्ये वाढ होऊन ८.४० टक्के झाले आहे. ओव्हरनाइट एमसीएलआर ७.८५ टक्के, १ आणि ३ महिन्यांच्या मुदतीसाठीचं एमसीएलआर ८ टक्के, ६ महिने - ८.३० टक्के आणि दोन वर्षांसाठी एमसीएलआर ८.५० टक्के, तसेच ३ वर्षासाठी एमसीएलआर ८.६० टक्के इतकी आहे.
EMI वाढेल
एमसीएलआरमधील वाढीसोबतच टर्म लोनवरील इएमआय वाढण्याची शक्यता आहे. बहुतांश ग्राहकांची कर्जे एका वर्षाच्या एमसीएलआरच्या आधारे असतात. अशात एमसीएलआरमधील वाढीमुळे वैयक्तिक कर्जे (पर्सनल लोन), वाहन आणि गृह कर्जे महाग होतील.
MCLR म्हणजे काय?
MCLR ही भारतीय रीझर्व्ह बँकेद्वारे विकसित केलेली एक पद्धत आहे. त्याआधारे बँक कर्जांवरील व्याजदर निश्चित करत असते. त्याआधी सर्व बँका बेस रेटच्या आधारे व्याजदर निश्चित करत होते.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
