Sanjay Raut Criticized: तुम्ही चाणक्याच्या पोटातून जन्म घेतला आहे का? संजय राऊतांचा देवेंद्र फडणवीसांवर घणाघात

Sanjay Raut News: अजित पवारांनी उपमुख्यमंत्रिपदाची शपथ घेतल्यानंतर राज्यातील घडामोडींना वेग आला आहे. या राजकीय उलथापलथीनंतर सत्ताधारी आणि विरोधकांमध्ये आरोप-प्रत्योरोपाच्या फेरी झडत आहे. 'तुम्ही वापरलेली कुटनीती आम्हाला जमत नाही का, तुम्ही चाणक्याच्या पोटातून जन्म घेतला आहे का? असा सवाल करत ठाकरे गटाचे खासदार संजय राऊत यांनी देवेंद्र फडणवीसांवर टीकास्त्र सोडलं आहे. (Latest Marathi News)

संजय राऊत यांनी पत्रकार परिषदेत सत्ताधाऱ्यांवर जोरदार हल्लाबोल केला. देवेंद्र फडणवीस यांच्यावर टीका करताना राऊत म्हणाले, 'उद्धवजी खोटे बोलले असा आरोप करणे हा पोहरादेवीचा अपमान आहे. मला सकाळपासून त्या समाजाच्या लोकांनी फोन केला की, देवेंद्र फडणवीस वारंवार आमच्या पोहरादेवीचा अपमान करत आहेत. पोहरादेवीची कोणी खोटी शपथ घेत नाही. ते जागृत देवस्थान आहे. पण हे सगळेजण पोहरादेवीला खोटे पाडत असून हा अपमान आहे'.

'देवेंद्र फडणवीस असं म्हणत आहे की, आम्ही राष्ट्रवादीबरोबर गेलो हा अधर्म आहे. मग आता शिंदे गट- राष्ट्रवादी काँग्रेस एकत्र आली हे काय होतं, याचे उत्तर देवेंद्र फडणवीस यांनी महाराष्ट्राच्या जनतेला दिलं पाहिजे. वैफल्यग्रस्त अवस्थांमध्ये चुकीचं विधान करू नका, असेही राऊत म्हणाले.

'महाराष्ट्रामध्ये 2019 साली शिवसेना राष्ट्रवादी काँग्रेस एकत्र आली, ती सुद्धा या राज्याची गरज आणि कुटनीतीच होती. तुमच्यासारख्या लोकांना दूर ठेवण्यासाठी आम्ही एकत्र आलो, असे राऊत म्हणाले.

'देवेंद्र फडणवीस खोटं बोलतात, मुंख्यमंत्री शिंदे खोटे बोलत आहेत. अजित पवारांना कंठ फुटायचा आहे. तेव्हा आम्ही बोलूच, पण मला त्यात पडायचं नाही. फडणवीस आणि शिंदे यांनी केलेला विश्वासघात महाराष्ट्राच्या काळजात आरपार घुसलेला आहे. तुम्ही वापरलेली कुटनीती जमत नाही का? तुम्ही काय चाणक्याच्या पोटातून जन्म घेतला आहे का? चाणक्य आणि विदुर तुमचा बाप आहे का? असा सवाल राऊत यांनी केला.

'महाविकास आघाडी स्थापन केली ही सुद्धा कुटनीतीच होती. कालपर्यंत नाही नाही नाही कोणती ही राष्ट्रवादीसोबत युती नाही, आपत धर्म अमुक धर्म नाही, तमुक कर्म नाही आणि आता म्हणे भावनिक युती होणार, अशी टीका राऊतांनी केली.