Pune Dam Level : पुण्यात दिवसरात्र पाऊस, नद्या तुडूंब भरल्या; कोणत्या धरणात किती पाणी?

सचिन जाधव, साम टीव्ही, प्रतिनिधी

Pune News : पुणेकरांसाठी महत्त्वाची माहिती समोर आली आहे. पुणे शहराला पाणी पुरवठा करणाऱ्या धरण क्षेत्रात पावसाची हजेरी झाली आहे. खडकवासला धरण साखळी प्रकल्पातील चारही धरणांच्या पाणलोट क्षेत्रात मागील दहा-बारा दिवसांपासून पाऊस पडत आहे. पावसामुळे धरण साठ्यामध्ये किंचित वाढ झाली आहे.

पुण्यात मागील काही दिवसांपासून जोरदार पाऊस पडत आहे. जिल्ह्यातील बारामती, दौंड, इंदापूर तालुक्यामध्ये पावसाचा जोर वाढला आहे. पुण्यातील सर्वच तालुक्यात पावसाची दमदार एन्ट्री झाली आहे. पुणे शहरासाठी पाणी पुरवठा करणाऱ्या धरण क्षेत्रात देखील पावसाने हजेरी लावली आहे. यामुळे धरणातील पाणी साठ्यात वाढ झाल्याचे समोर आले आहे.

धरण - पाणीसाठा

टेमघर - 0.24

वरसगाव - 2.70

पानशेत - 1.92

खडकवासला - 0.81

पुणे शहराला टेमघर, वरसगाव, पानशेत आणि खडकवासला या चार धरणांमधून पाणीपुरवठा केला जातो. चारही धरणांच्या पाणलोट क्षेत्रात १४ मे पासून कमी अधिक प्रमाणात पाऊस हजेरी लावत आहे. खडकवासला धरण साखळी प्रकल्पाच्या चार धरणाच्या पाणलोट क्षेत्रात पाऊस पडत आहे.

पुणे शहराला पाणी पुरवठा करणाऱ्या चार धरणात जवळपास ५.६६ टीएमसी पाणी शिल्लक आहे. गेल्या वर्षी म्हणजेच २०२४ मध्ये मे महिन्याच्या शेवटी ५.८१ टीएमसी पाण्याचा साठा शिल्लक होता. महानगरपालिकेकडून शहरासाठी दररोज उचलण्यात येणारे पाणी आणि ग्रामीण भागासाठी नवीन मोठा उजवा कालव्यातून सोडण्यात येणाऱ्या पाण्यामुळे धरणातील पाणीसाठ्यात फारशी वाढ झालेली नाही.