पुण्यातील कोंढव्यामध्ये पार्किंगवरून तुफान राडा झाला. दोन तरुणांनी धारधार शस्त्रांनी एकमेकांवर वार केले. या घटनेमध्ये दोघेही जखमी झाले आहेत. यामधील एक व्यक्ती कोंढवा परिसरामध्ये अट्टल गुन्हेगार आहे. त्याने आपल्या गाडीला पोलिस पाटी लावली होती. पार्किंगच्या वादातून ही हाणामारी झाली. याप्रकरणी दोघांविरोधात गुन्हा दाखल करत पोलिसांनी त्यांना अटक केली.
मिळालेल्या माहितीनुसार, कोंढव्यातील कौसर बाग येथे गणेश पसर (32 वर्षे) या तरुणाने रस्त्यावर कार पार्क केली होती. कार पार्किंगवरून वाद झाला. अफाक आशफाक शेख (30 वर्षे) या तरुणाने गणेश पसरला कार पार्क करण्यास अडवले. यावरून दोघांमध्ये जोरदार भांडण झाले. यावेळी दोघांनी एकमेकांवर धारधार शस्त्रांनी वार केले.
या हल्ल्यामध्ये दोन्ही तरुण जखमी झाले. घटनेची माहिती मिळताच पोलिसांनी घटनास्थळी धाव घेत दोघांना ताब्यात घेतलं. त्यांना तातडीने ससून रुग्णालयात उपचारासाठी हलवले. दोघांवर देखील उपचार झाल्यानंतर त्यांचे जबाब घेण्यात आले. याप्रकरणी दोन्ही तरुणांविरोधात गुन्हा दाखल करत पोलिसांनी त्यांना अटक केली. पोलिसांना कारमध्ये हत्यारे सापडली.
गणेश पसरे याच्याविरोधात 109, 115(2), 352, 3(5) सह 37(1), 135 सह, क 3, 7 प्रमाणे गुन्हा नोंद करण्यात आला आहे. तर अफाक शेखविरोधात 109, 115(2), 352, 3(5) सह Arm Act क 4, 25 सह मपोका क 37(1), 135 सह, क 3,7 प्रमाणे गुन्हा नोंद करण्यात आला आहे. या घटनेमुळे कोंढव्यात खळबळ उडाली.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.