Pune News: पुणे कोयता हल्ला प्रकरणात आरोपीस ३ महिन्यानंतर जामीन मंजूर; धाडसी तरुणांमुळे वाचला होता तरुणीचा जीव

अक्षय बडवे, प्रतिनिधी

Pune Crime News:

तीन महिन्यांपूर्वी पुणे शहरात महाविद्यालयीन तरुणीवर प्राणघातक हल्ल्याची घटना घडली होती. शहरातील सदाशिव पेठेत एका तरुणीवर कोयत्याने वार करण्यात आले होते. या घटनेने अवघा महाराष्ट्र हादरुन गेला होता. या प्रकरणी आता महत्वाची बातमी समोर आली असून हल्ला करणाऱ्या आरोपीला जामीन मिळाला आहे.

याबाबत अधिक माहिती अशी की, २७ जून रोजी सदशिव पेठेतील (Sadashiv Peth) पेरुगेट पोलिस चौकीजवळ महाविद्यालयीन तरुणीवर प्राणघातक हल्ला करण्यात आला. प्रेम संबंधास नकार दिल्याने आरोपी शंतनू जाधव याने तरुणीवर कोयत्याने हल्ला करत जीवे मारण्याचा प्रयत्न केला.

सुदैवान दोन धाडसी तरुणांमुळे या मुलीचा जीव वाचला. भरदिवसा घडलेल्या या घटनेने संपूर्ण महाराष्ट्र हादरुन गेला होता. शहरात मुलींवर भरदिवसा हल्ले होत असल्याने नागरिकांमधूनही तीव्र संताप पसरला होता. या प्रकरणी शंतून लक्ष्मण जाधव या तरुणास अटक करण्यात आली होती. (Pune Crime)

दरम्यान चार महिन्यानंतर आरोपी लक्ष्मण जाधव यास जामीन मंजूर झाला आहे. तपास अधिकारी बोलवतील त्यावेळी तपासास हजर राहणे, सात दिवसांत पासपोर्ट जमा करणे, या अटींवर जामीन मंजूर करण्यात आला. पोलीस याबाबतचा अधिक तपास करत आहेत. (Latest Marathi News)