Shocking: तरुणाने गर्लफ्रेंडसोबत संपवलं आयुष्य, शेतातील झाडाला घेतला गळफास; धक्कादायक कारण समोर...

Summary -

• पालघरमध्ये प्रेमी युगुलाने गळफास घेऊन आत्महत्या केली

• प्रेमाला कुटुंबीयांच्या विरोधामुळे दोघांनी टोकाचे पाऊल उचलले

• दोघांनी शेतातील झाडाला गळफास घेतला

• विक्रमगड पोलिस प्रकरणाचा पुढील तपास करत आहेत

पालघरमध्ये गर्लफ्रेंड-बॉयफ्रेंडने आत्महत्या केल्याची घटना घडली. कुटुंबीयांनी प्रेमाला विरोध केला या त्रासाला कंटाळून दोघांनी टोकाचे पाऊल उचलले.शेतातील झाडाला गळफास घेतलेल्या अवस्थेत दोघांचे मृतदेह आढळून आले. या घटनेमुळे पालघरमध्ये खळबळ उडाली. दोघांचा मृतदेह शवविच्छेदनासाठी पाठवण्यात आला आहे. पोलिस सध्या या प्रकरणाचा तपास करत आहेत.

मिळालेल्या माहितीनुसार, विक्रमगड तालुक्यातील सारशी गावात ही हृदयद्रावक घटना घडली. नरेश लहु नडगे (३९ वर्षे) आणि सारिका शंकर महाला (२५ वर्षे) अशी आत्महत्या केलेल्या प्रेमी युगुलांची नावं होती. नरेश आणि सारिका एकाच गावामध्ये राहणारे होते. नरेश विवाहित होता आणि त्याला दोन मुलं होती. तर सारिका अविवाहित होती. त्यांचे बऱ्याच वर्षांपासून एकमेकांवर प्रेम होते. पण नरेशच्या कुटुंबीयांनी या प्रेमाला विरोध केला.

कुटुंबीयांनी प्रेमसंबंधाला विरोध केल्यामुळे नरेशने ३ वर्षांपासून दुसरीकडे लग्न केले. पण त्याचे सारिकावर प्रेम होते. त्या दोघांच्या भेटीगाठी सुरू होत्या. कुटुंबीयांचा विरोध आणि सामाजिक दडपणाला कंटाळून दोघांनी टोकाचे पाऊल उचलले. शेतातील झाडाला गळफास घेऊन दोघांनी जीवनयात्रा संपवली. या दुर्दैवी घटनेमुळे संपूर्ण परिसरात हळहळ व्यक्त होत असून विक्रमगड पोलिस अधिक तपास करत आहेत.