Crime News: धक्कादायक! प्रियकराच्या मदतीने महिलेने केली स्वतःच्याच घरात चोरी; 'अशी' अडकली पोलिसांच्या जाळ्यात

पोलिसांनी अत्यंत चलाखीने या घटनेचा तपास केला असून आरोपी प्रियकराचा सध्या शोध सुरू आहे.
Mumbai Crime News
Mumbai Crime NewsSaamTv

Mumbai: आत्तापर्यंत वेगवेगळ्या चोरीच्या अनेक घटना आपण ऐकल्या असतील. चोरी करण्यासाठी चोरांनी लढवलेल्या क्लुप्यांच्या कथाही ऐकल्या असतील. मात्र मुंबईमध्ये एका विचित्र चोरीची घटना समोर आली आहे. मुंबईच्या कुरारमध्ये एका महिलेने आपल्या प्रियकराच्या मदतीने स्वतःच्या घरातील तब्बल साडेआठ लाख रुपये किमतीचे दागिने व रोख रक्कम चोरल्याची धक्कादायक घटना समोर आली आहे.

पायल ज्योतीराम शेडगे (३१ वर्षे) असं अटक करण्यात आलेल्या आरोपी महिलेचे नाव असून सध्या तिच्या प्रियकराचा शोध घेत आहे. (Latest Marathi News)

Mumbai Crime News
Breaking News : बिहारच्या माजी मुख्यमंत्री राबडी देवींच्या घरी पोहचली सीबीआयची टीम; काय आहे प्रकरण?

याबाबत महिलेच्या पतीने केलेल्या तक्रारीनुसार, ते मालाड पूर्वेकडील ओमकार एस आर ए सोसायटीमध्ये आपल्या पत्नीसोबत राहत होते. मे २०२२ मध्ये ते आपल्या पत्नीसोबत सांगली या गावी गेले होते. गावावरून मुंबईत परतल्यानंतर आतला दरवाजाचा टाळा तुटल्याचे आढळून आले. तसेच घरातील कपाट उघडून पाहिले असता कपाटातील 3.77 लाखाचे दागिने आणि 4.57 लाखाची रोकड गायब झाल्याचेही लक्षात आले.

त्यानंतर त्यांनी या संदर्भात कुरार पोलीस ठाण्यामध्ये तक्रार दिली. या तक्रारीवरून कुरार पोलिसांनी घरफोडीचा गुन्हा दाखल करून झोन 12 च्या डीसीपी स्मिता पाटील यांच्या मार्गदर्शनाखाली गुन्ह्याचा तपास करण्यासाठी टीम तैनात केली. पोलिसांनी तात्काळ घटनास्थळावर जाऊन पंचनामा केला. या तपासात ही चोरी घरातील व्यक्तीनेच केली असावी असा दाट संशय पोलिसांना होता. त्यामुळेच त्यांनी घरातील सदस्यांचा तपास करण्यास सुरुवात केली.

Mumbai Crime News
Onion Rate : कांद्याने शेतकऱ्यांच्या डोळ्यात आणले अश्रू...; दर घसरल्याने कांद्याचीच केली होळी

हा तपास करताना घरातील सर्व व्यक्तींच्या हाताच्या बोटांचे ठसे पोलिसांनी अगोदरच घेतले होते. यानुसार तक्रारदाराच्या पत्नीच्या हाताचे ठसे आणि कपाट आणि त्या ठिकाणी इतर वस्तूंवरील ठसे मिळते जुळते आढळून आल्याने पोलिसांनी महिलेला ताब्यात घेऊन चौकशी केली.

या चौकशीमध्ये संबंधित महिलेने आपला गुन्हा कबूल केला. तसेच यामध्ये तिच्या प्रियकरानेही मदत केल्याचे सांगितले. हे दागिने आणि रोकड घेऊन ते दोघेही पळून जाणार होते. तसेच ही चोरी गावी जाण्यापुर्वीच केल्याचेही या महिलेने कबुल केले. (Mumbai)

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam Marathi News
saamtv.esakal.com