Mumbai : सुशांत सिंग प्रकरणात मनसेची उडी; कूपर रुग्णालयातील कर्मचाऱ्याच्या दाव्यानंतर नेत्यांनी केली 'ही' मागणी

संजय गडदे

Sushant Singh Rajput Case : अभिनेता सुशांत सिंग आत्महत्या प्रकरणाला नव वळण लागल्यानंतर त्यात आता मनसेने उडी घेतली आहे. कूपर रुग्णालयातील कर्मचारी रूपकुमार शहा यांनी सुशांत सिंग हत्या झाल्याचा दावा केल्यानंतर मनसे नेते आक्रमक झाले आहेत. मनसे नेत्यांनी सुशांत सिंग आत्महत्या प्रकरणात शव विच्छेदन अहवाल चुकीच्या देणाऱ्या डॉक्टरांवर कारवाईची मागणी केली आहे. (Latest Marathi News)

सिनेअभिनेता अभिनेता सुशांत सिंग राजपूत (Sushant Singh Rajput) यांची आत्महत्या नसून ती हत्याच असल्याचा खळबळजनक दावा रूपकुमार शाह यांनी केल्यानंतर मनसे आक्रमक झाली आहे. सुशांतसिंग यांचा शव विच्छेदन अहवाल चुकीच्या पद्धतीने देणाऱ्या डॉक्टरांवर कारवाई करण्याची मागणी मनसेकडून करण्यात आलेली आहे.

सुशांत सिंग राजपूत प्रकरणात मनसेचे अंधेरी पश्चिम विधानसभा उपाध्यक्ष कुशाल धुरी यांनी महापालिकेच्या कुपर रुग्णालयाचे अधिष्ठाता डॉक्टर शैलेश मोहिते यांना निवेदन देऊन कारवाईची मागणी केली आहे.

काय म्हणाले होते रुपकुमार शाह?

अभिनेता सुशांतसिंह राजपूतची आत्महत्या नाही तर हत्याच झाली, असा दावा रुपकुमार शाह यांनी केला. सुशांतचा मृतदेह आला त्यावेळी मृतदेहावर जखमा होत्या. शरीराला मुका मार लागलेला होता. मृतदेहावर शवच्छेदन होत असताना मी पूर्ण वेळ तिथे होतो. डॉक्टरांना मी सांगितलं, की ही सुसाईड केस नाहीये मर्डर केस आहे. मात्र, त्यांनी लक्ष दिलं नाही, असा दावाही शाह यांनी केला.

रुपकुमार शाह हे मुंबईतील (Mumbai) कूपर रुग्णालयातील शवागृहात 13 ते 14 जून 2020 ला कर्तव्यास होते. दीड महिन्यापूर्वी ते निवृत्त झाले आहेत. त्यानंतर त्यांना हा दावा केला आहे.