तुम मराठी लोग गंदे हो असं वक्तव्य एका गुजराती व्यक्तीने केलं आणि पुन्हा एकदा मराठी विरुद्ध गुजराती वाद उफाळून आला. या वादात थेट मनसेनं उडी घेत आपल्या स्टाईलनं उत्तर दिलंय. मुंबईत मांसाहार करण्यावरुन परप्रांतियांनी मराठीचा अपमान केल्याचं उघड झालंय.. त्यातच आता मराठी माणसं घाणेरडी असल्याचं वक्तव्य करण्यापर्यंत परप्रांतियांची मजल गेलीय. मात्र घाटकोपरमध्येच मराठी लोकांची कशी गळचेपी केली जातेय? त्याची करुण कहाणीच रहिवाशांनी सांगितलीय.
तर मराठी माणसांवर अन्याय झाल्यास राज ठाकरेंच्या आदेशानुसार कानाखाली आवाज काढणारच,असा इशारा मनसेनं दिलाय.. तर मराठीचा मान राखण्याचं आवाहन चंद्रशेखर बावनकुळेंनी केलंय. मुंबईतली मराठीच्या अपमानाची ही पहिलीच घटना नाही.. तर याआधीही वारंवार मराठीचा अपमान केल्याचं समोर आलंय.
संयुक्त महाराष्ट्राच्या लढ्यात तब्बल 106 हुतात्म्यांच्या बलिदानानंतर मुंबई महाराष्ट्राला मिळाली खरी... पण आता याच मुंबईत मराठी माणसाला अस्तित्वासाठी लढण्याची वेळ आलीय.. परप्रांतियांकडून महाराष्ट्राच्या राजधानीतच मराठी माणसांची गळचेपी होत असल्याचं समोर आलंय.
त्यामुळे मराठी भाषेला आणि मराठी माणसाला कमी लेखणाऱ्यांना धडा शिकवण्याची वेळ आली आहे.यासाठी सरकारनं वेळीच काही ठोस पावलं उचलली नाहीत तर सरकारवर विसंबून न राहता मराठी माणसालाच आपल्या अस्मितेच्या लढा लढावा लागणार हे निश्चित
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.