Rumors Bomb in Dadar Railway Station : दादर रेल्वे स्टेशनमध्ये बॉम्ब असल्याची अफवा पसरवणारा एकजण ताब्यात, पुण्यातील लोणी काळभोळ परिसरातील घटना

Pune News : दादर रेल्वे स्टेशनवर बॉम्ब आहे अशी अफवा पसरवणाऱ्या तरुणाला पोलिसांनी ताब्यात घेतलं आहे. हा तरुण मनोरुग्ण असल्याची माहिती पोलिसांनी दिली आहे. लोणी काळभोर पोलिसांनी या तरुणाला ताब्यात घेतलं आहे.

योगेश शिवाजी ढेरे असं ताब्यात घेण्यात आलेल्या तरुणाचं नाव आहे. रविवारी लोणी काळभोर परिसरात गस्त घालत असताना सायंकाळी ५ वाजण्याच्या सुमारास लोणी काळभोर येथील एका हॉटेलजवळ एकजण थांबला असून तो सांगत आहे की, दादर जंक्शन रेल्वे स्टेशनमध्ये बॉम्ब आहे. हा कॉलर लोणी काळभोर हद्दी मधलाच आहे, अशी माहिती पोलिसांना मिळाली. (Maharashtra News)

घटनेचं गांभीर्य लक्षात घेत पोलिसांनी  त्याठिकाणी धाव घेतली. योगेश ढेरे हा तेथेच हॉटेलच्या बाहेर सापडला. त्याच्याकडे अधिक चौकशी केली असता लोकांमध्ये घबराट निर्माण होऊन पळापळ होईल आणि चेंगराचेंगरीमध्ये जीवितहानी व्हावी या उद्देशाने पोलिसांना खोटी माहिती दिल्याचे त्याने कबूल केलं. योगेश हा मनोरुग्ण असल्याचं पोलिसांनी स्पष्ट केलं आहे.