पुण्यातील लोकशाहीर अण्णाभाऊ साठे नाट्यगृहातील 2 कोटींचे साऊंड चोरीला ?

पुणे महापालिकेच्या बिबवेवाडी येथील लोकशाहीर अण्णाभाऊ साठे नाट्यगृहातील 2 कोटी रुपये किंमतीचे साऊंड चोरीला गेले असल्याची धक्कादायक बाब राष्ट्रवादी काँग्रेस पक्षाचे नगरसेवक सुभाष जगताप यांनी सर्व साधारण सभेत समोर आणली आहे. त्यावरून सभागृहात एकच गोंधळ उडाला. बिबवेवाडी येथील लोकशाहीर अण्णाभाऊ साठे नाट्यगृहात 2 कोटी रुपयांची अत्याधुनिक साऊंड सिस्टीम (बॉस कंपनीचे) बसवण्यात आली होती. कोरोना काळात दीड वर्षांपासून कोरोनामुळे नाट्यगृह बंद ठेवण्यात आली होती. या कालावधीत लोकशाहीर अण्णाभाऊ साठे नाट्यगृहातील बॉस कंपनीचे सुमारे 2 कोटी रुपयांचे साऊंड चोरीला गेले आहेत.

एवढेच नव्हे तर त्याठिकाणी डुप्लिकेट साऊंड बसवण्यात आले आहेत. प्रशासनाने याप्रकरणी काय कारवाई केली? याप्रकरणी प्रशासनाने तातडीने गुन्हा दाखल केला नाही असा गौप्यस्फोट राष्ट्रवादी नगरसेवक सुभाष जगताप यांनी केला आहे, या प्रकरणी वास्तव काय आहे हे आयुक्तांच्या माध्यमातून चौकशी केली जाईल आणि दोषींवर कारवाई केली जाईल असं उत्तर सत्ताधारी देता आहेत. नेमका हा सगळा प्रकार कोणाच्या संगनमताने होतोय हे पाहणं महत्वाचं आहे.

Edited By: Pravin Dhamale