पुण्यात लॉकडाऊन? निर्बंधाबाबत महापौर मुरलीधर मोहोळ यांचे सूचक विधान

प्राची कुलकर्णी

पुणे: पुण्यात कोरोनाचा (Corona) मोठा विस्फोट होताना दिसत आहे. दिवसेंदिवस कोरोनाबाधितांचा आकडा वाढतच चालला आहे. नुकतीच पुणे महापालिकेची (Pune Municipal Corporation) कोरोना संबंधी आढावा बैठक पार पडली आहे. या बैठकीत महापौर मुरलीधर मोहोळ (Murlidhar Mohol) यांनी सूचक विधान केले आहे. तसेच यावेळी त्यांनी पुण्यातल्या निर्बंधाविषयी भाष्य केले आहे.

महापौरांनी माहिती दिली की, निर्बंधांची कडक अंमलबजावणी करण्याचा निर्णय घेणार आहे. तसेच क्वॉरंटाईनसाठी पुन्हा हॉटेल सुरु करणार असल्याचेही त्यांनी सांगितल आहे. याव्यतिरिक्त पुण्यात कोरोनाबाधितांचा आकडा आटोक्यात आणण्यासाठी लसीकरण राहिलेल्या लोकांपर्यंत तातडीने पोहोचणे महत्त्वाचे आहे त्यासाठी प्राधान्याने प्रयत्न केले जाणार आहे असं महापौर म्हणाले आहेत.

हे देखील पहा-

पुण्यात दोन्ही डोस घेतलेले 80 टक्के लोकं कोरोनाबाधित

दोन्ही डोस घेतलेले ८० टक्के लोक कोरोनाबाधित होताना दिसून आले आहे. २७ डिसेंबर ते १ जानेवारी या दरम्यान पाच ते सहा दिवसांमध्ये पुण्यात रुग्णसंख्या मोठ्या प्रमाणात वाढली आहे. नव्याने बाधित झालेल्यांपैकी लसीकरण झालेल्यांची माहिती घेतली जात आहे. 80 टक्के लोक दोन्ही डोस घेतलेली बाधित होताना दिसत आहेत अस महापौर मुरलीधर मोहोळ यांनी आढावा बैठकीत सांगितले आहे. या बैठकीत पुणे जिल्ह्यातील कोरोनाच्या सद्यस्थितीवर चर्चा करण्यात आली.