किरीट सोमय्यांना मोठी जखम नाही; वैद्यकीय अहवाल समोर

मुंबई : किरीट सोमय्या हल्लाप्रकरणी (Kirit Somaiya) महत्वाची बातमी समोर आली आहे. भाजपन नेते किरीट सोमय्यांना किरकोळ जखम झाल्याचा अहवाल भाभा रुग्णालयाने दिला आहे. भाजप नेते आणि माजी खासदार किरीट सोमय्या यांच्यावर काही दिवसाअगोदरच मुंबईमध्ये (Mumbai) हल्ला करण्यात आला होता. शिवसैनिकांनी पोलिसांची (police) मदत घेऊन माझ्यावर प्राणघातक हल्ला करण्यात आले असल्याचा, दावा करत सोमय्या यांनी थेट दिल्लीत धाव घेतली आहे. केंद्रीय गृहसचिवांकडे या घटनेची चौकशी करण्याची मागणी देखील करण्यात आली आहे. (Kirit Somaiya latest Marathi news)

हे देखील पाहा-

मात्र, या हल्ल्याविषयी आता महत्त्वाची माहिती मिळाली आहे. किरीट सोमय्या यांना झालेली दुखापत गंभीर नसल्याचे भाभा रुग्णालयातील (hospital) वैद्यकीय अहवालामधून स्पष्ट झाले आहे. किरीट सोमय्या यांच्या गाडीवर शनिवारी शहरामधील एका पोलीस (Police) ठाण्यासमोर दगडफेक करण्यात आली. यावेळी काच फुटल्यावर सोमय्या यांच्या हनुवटीला जखम झाली होती. ही जखम ०.१ सेमीची आहे. तसेच या घटनेत रक्तस्त्राव झाला नव्हता, असे वैद्यकीय तपासणीत नमूद करण्यात आल्याचे समजत आहे. हा अहवाल रुग्णालयाकडून मुंबई पोलिसांना देण्यात आल्याची माहिती मिळाली आहे.

वैद्यकीय अहवाल समोर आल्यावर आता राज्यातील सत्ताधारी महाविकास आघाडीच्या नेत्यांकडून परत किरीट सोमय्या यांना लक्ष्य केले जाण्याची शक्यता आहे. कारण शिवसेना नेते संजय राऊत यांनी याअगोदर सोमय्या यांच्यावर टीका करत असताना ते चेहऱ्याला टोमॅटो सॉस लावून फिरत असल्याचे म्हटले जात होते. भाभा रुग्णालयातील वैद्यकीय अहवालामधून सोमय्या यांना झालेली जखम गंभीर नसल्याचा अहवाल देण्यात आला असतानाच आज परत किरीट सोमय्या यांच्यासह भाजपचे काही नेते राज्यपाल भगतसिंह कोश्यारी यांची भेट घेणार आहे.

Edited By- Digambar Jadhav