Kalyan: चाकूचा धाक दाखवत प्रवाशाला लुटले, कल्याण रेल्वे पोलिसांनी चोरट्याला अवघ्या दोन तासात पकडले

कल्याण: कल्याण रेल्वे स्थानक परिसरात पहाटेच्या सुमारास चाकूचा धाक दाखवून एका प्रवाशाचा मोबाईल लुबाडल्याची घटना कल्याण रेल्वे स्थानक परिसरात घडली होती. या प्रकरणी प्रवाशाने कल्याण लोहमार्ग पोलीस ठाण्यात तक्रार दाखल केली होती (Kalyan Railway Police Arrest Mobile Thief In Just Two Hours).

कल्याण रेल्वे पोलिसांनी (Kalyan Railway Police) केवळ वर्णनावरुन शोध घेत या चोरट्याला अवघ्या दोन तासात कल्याण (Kalyan) बैलबाजार परिसरातून अटक केली आहे. मोनू चाळके असं या आरोपीचे नाव असून तो रेकॉर्डवरील गुन्हेगार असल्याचे पोलिसानी सांगितले आहे.

दरम्यान, या चोरट्यांकडून पोलिसांनी चाकू आणि चोरीला गेलेला मोबाईल (Mobile) हस्तगत केला आहे. अटक केलेला मोनू चाळके हा अंबरनाथ येथील रहिवासी असून त्याच्या विरोधात आधी देखील गुन्हे दाखल असल्याची माहिती रेल्वे पोलिसांनी दिली आहे.

Edited By - Nupur Uppal