रुपाली बडवे
Maharashtra Political News : शिवसेना प्रमुख बाळासाहेब ठाकरे यांच्या स्मृतिस्थळावर मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि शिंदे गटाचे इतर नेते यांनी अभिवादन केले. या सर्वांनी बाळासाहेबांच्या स्मृतीस्थळाला अभिवादन केल्यानंतर ठाकरे गटाच्या नेत्यांनी गोमूत्र शिंपडण्यामुळे नव्या वादाला तोंड फुटले आहे. गोमूत्र शिंपडणाऱ्या ठाकरे गटाच्या नेत्यांवर गुन्हा दाखल करा, अशी मागणी शिंदे गटाचे नेते गिरीश धानुरकर यांनी शिवाजी पार्क पोलिसांना केली आहे. (Latest Marathi News)
मुख्यमंत्री एकनाथ शिंदे (Eknath Shinde) , उपमुख्यमंत्री देवेंद्र फडणवीस आणि इतर शिंदे गटाचे आमदार काल, बुधवारी बाळासाहेब ठाकरे यांच्या स्मृतीस्थळावर नतमस्तक होण्यास आले होते. ते सर्व बाळासाहेबांच्या स्मृतिदिनाच्या पूर्व संध्येला दर्शन घेवून गेले. त्यानंतर ठाकरे गटाच्या नेत्यांनी बाळासाहेबांच्या स्मृतीस्थळावर गोमूत्र शिंपडण्यात आले.
स्मृतीस्थळावर गोमूत्र शिंपडण्याला शिंदे गटाच्या नेत्यांनी आक्षेप घेतला आहे. ठाकरे गटांच्या नेत्यांनी दोन गटात वाद निर्माण करण्याच्या हेतूने बाळासाहेबांच्या स्मृतीस्थळावर गोमुत्र शिंपडून मुख्यमंत्री आणि उपमुख्यमंत्री, राज्याचे इतर मंत्री तसेच आमदार यांचा हेतुपुरस्कृत अपमान केल्याचा आरोप, शिंदे गटाचे नेते शिंदे गटाचे नेते गिरीश धानुरकर यांना पोलिसांना पत्र लिहित केला आहे. मुख्यमंत्री, उपमुख्यमंत्री यांच्यासह आमदारांचा जाणीवपूर्वक अपमान करण्याचा गुन्हा नोंदवा, अशी मागणी धानुरकर यांनी केली आहे.
धानुरकर यांनी ठाकरे गटाचे पदाधिकारी विशाखा राऊत, मिलिंद वैद्य, खासदार अरविंद सावंत आणि त्यांचे कार्यकर्त्यांवर गुन्हा दाखल करा, अशी मागणी धानुरकर यांनी शिवाजी पार्क पोलिसांना केली आहे. धानुरकरांच्या मागणीनंतर पोलीस काय कारवाई करणार का ?हे पाहावे लागणार आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.