education minister deepak kesarkar Big decision no more regular transfers of Government school teachers
education minister deepak kesarkar Big decision no more regular transfers of Government school teachersSaam TV

Teachers Transfer News: राज्यातील शिक्षकांच्या बदल्या बंद होणार; शिक्षणमंत्री दीपक केसरकर यांची घोषणा, कारणही सांगितलं

Teachers Transfer Latest News: यापुढे सरकारी शाळेतील शिक्षकांच्या नियमित बदल्या होणार नाहीत, अशी घोषणा शिक्षणमंत्री दीपक केसरकर यांनी केली आहे.

Teachers Transfer Latest News: राज्यातील सरकारी शिक्षकांसाठी एक मोठी बातमी समोर आली आहे. यापुढे सरकारी शाळेतील शिक्षकांच्या नियमित बदल्या होणार नाहीत. येत्या दोन दिवसांत याबाबतचा आदेश काढण्यात येईल, अशी घोषणा शिक्षणमंत्री दीपक केसरकर यांनी केली आहे.

तीन वर्षांनंतर शिक्षकाची बदली (Teachers Transfer) केल्यामुळे विद्यार्थ्यांच्या गुणवत्ता सुधारणेत खंड पडतो, ही बाब विचारात घेऊनच हा निर्णय घेण्यात आल्याचं दीपक केसरकर यांनी माध्यमांना सांगितलं आहे. विशेष बाब अथवा पुरेसे कारण असेल तरच या निर्णयाला अपवाद केला जाईल, अशी माहिती सुद्धा शिक्षण मंत्री दीपक केसरकर यांनी दिली.

education minister deepak kesarkar Big decision no more regular transfers of Government school teachers
Maharashtra Cabinet Expansion: शिंदे सरकारचा मंत्रिमंडळ विस्तार उद्याच? भावी मंत्र्यांची धाकधूक वाढली

शिक्षकांच्या योगदानामुळे शाळांची महती वाढते. शिक्षकांची बदली झाल्यास अनेक पालक मुलांना दुसऱ्या शाळेत प्रवेश घेतात, असेही त्यांनी नमूद केले. शिक्षक भरतीसाठी यापूर्वी परीक्षा घेतलेल्या उमेदवारांच्या लवकरच नेमणुका केल्या जातील. त्याची तयारी पूर्ण झाली असून संच मान्यतेनंतर नेमणुका देण्यात येतील, असेही केसरकर (Deepak Kesarkar) यांनी स्पष्ट केले.

शालेय वयात मुलांचे व्यक्तिमत्व घडत असते. त्यात शिक्षकांची भूमिका महत्त्वाची असते. या वयात मुलांचे शिक्षकांशी नाते निर्माण झालेले असते. त्यामुळे शिक्षक त्यांची गुणवत्ता वाढवण्याचे मोलाचे काम करीत असतात. दर तीन वर्षांनी शिक्षकाची बदली झाली तर यात खंड पडू शकतो. त्यामुळे यापुढे नियमित बदल्या न करण्याच्या निर्णयापर्यंत शालेय शिक्षण (Education) खाते आले आहे, असे केसरकर यांनी सांगितले.

education minister deepak kesarkar Big decision no more regular transfers of Government school teachers
Political News: मागच्या दीड महिन्यापासून जीव मुठीत धरून जगणारे हिंदू नाहीत का? सामनातून PM मोदींना सवाल

दरम्यान, शिक्षक भरतीसाठी यापूर्वी परीक्षा घेतलेल्या शिक्षकांच्या लवकरच नेमणुका करण्यात येतील. भरतीची प्रक्रिया पूर्ण झाली असून संच मान्यतेनंतर त्यांना नेमणुका देण्यात येतील, असेही त्यांनी स्पष्ट केले. विद्यार्थ्यांना युनिफॉर्मसोबतच आता शूज आणि मोजेही मोफत देणार असून याबाबतचा निर्णय लवकरच घेणार असल्याचेही केसरकर यांनी सांगित

Edited by - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com