Mumbai Borivali GRP: मुंबईत लोकलमध्ये प्रवाशांना लुटणाऱ्या धारावीतील दाेघांना अटक

बोरिवली : मुंबईत (mumbai) लोकलमध्ये (local train) रात्री उशिरा प्रवासादरम्यान प्रवाशांना लुटणाऱ्या दोघांना मुंबई बोरिवलीच्या जीआरपीने (mumbai borivali grp) अटक केली आहे. पाेलीसांनी (police) अटक (arrest) केलेल्या दोन्ही संशयित आरोपी धारावीतील आहेत. या दाेघांवर दरोडा आणि खुनाचा प्रयत्न असे यापुर्वी देखील गुन्हे दाखल असल्याची माहिती पाेलीसांनी दिली. (borivali latest marathi news)

बोरिवली रेल्वे पोलीस ठाण्यात मीरा रोड येथील रहिवासी असलेल्या शंभूलाल शर्मा यांनी नुकतीच तक्रार केली हाेती. या तक्रारीत शर्मा यांनी दुपारी एक वाजता मालाड ते भाईंदर लोकलच्या डब्यातून एकटेच प्रवास करत असताना, तिघेजण बसले. डब्यात घुसून चालत्या ट्रेनमध्ये मारहाण केली. त्यांनी माझे 1200 रुपये व मोबाईल हिसकावून पळ काढला.

बोरिवलीचे तपास अधिकारी एपीआय पाटील आणि त्यांच्या पथकाने मुख्य संशयित आरोपी मायकल कनक (२२), शनी सिप्रे (१९, दोघे रा. धारावी) यांना अटक केली. यामधील तिस-या संशयित आरोपी आकाश घोडके (२३) याचा शाेध सुरु असल्याची माहिती अनिल कदम (वरिष्ठ पोलीस निरीक्षक, बोरिवली जीआरपी) यांनी दिली.

Edited By : Siddharth Latkar