पुणे: पावसाची संततधार, थंडीमुळे 1000 पेक्षा जास्त शेळ्या, मेंढ्यांचा दुर्दैवी मृत्यु !

रोहिदास गाडगे

पुणे : उत्तर पुणे (North Pune) जिल्ह्यातील जुन्नर आंबेगाव (Ambegaon) तालुक्यात कालपासुन संततधार पाऊस आणि थंडीची हुडहुडी सर्वाधिक वाढली आहे. अशात आंबेगाव जुन्नर तालुक्यातील विविध गावांमध्ये 378 पेक्षा अधिक पाळीव शेळ्या मेंढ्यांचा मृत्यु झाल्याची धक्कादायक घटना घडली आहे.

हे देखील पहा-

कालपासुन पावसाची संततधार सुरु असताना अचानक थंडीची हुडहुडी वाढली आहे. या थंडीचा सर्वाधिक फटका पाळीव जनावरांना बसलेला पहायला मिळतोय आंबेगाव तालुक्यातील 9 गावांमध्ये 188 तर जुन्नर तालुक्यातील 5 गावांमध्ये 70 आणि खेडमध्ये 45, शिरुरमध्ये 75 पेक्षा शेळ्यामेंढ्यांचा मृत्यु झाल्याने शेतक-यांचे लाखो रुपयांचे नुकसान झाले आहे.

पावसाची संततधार आणि थंडीची हुडहुडी यामुळे शेळया मेंढ्यांचा मृत्यु झाल्याचा प्राथमिक अंदाज प्रशासनाकडुन व्यक्त करण्यात आला असुन जिल्हा परिषदेच्या पशुवैद्यकिय विभागाकडुन तातडीने पंचनामे करण्याचे काम सुरु आहे.

कोरोना (Corona) महामारीच्या संकट काळात शेतीचे मोठ्या प्रमाणात नुकसान झाले आहे अशातच आता शेतकऱ्याच्या पाळीव जनावरांचा मृत्यु होत असल्याने तात्काळ नुकसान भरपाई मिळण्याची मागणी शेतकरी वर्गातुन होत आहे.

Edited By-Sanika Gade