मुंबई : राष्ट्रवादी काँग्रेसचे अध्यक्ष शरद पवार (Sharad Pawar) यांच्या मुंबईतील सिल्वर ओक या घरावर हल्ल्या करणाऱ्या एसटी कामगारांना भडकविल्या प्रकरणी सध्या पोलिसांच्या ताब्यात असणारे वकील गुणरत्न सदावर्ते (Gunaratna Sadavarte) यांनी सिल्वर ओक (Silver Oak) हल्ल्याचा कट त्यांच्या बिल्डिंगच्या टेरेसवर रचला गेला असल्याची माहिती समोर येत आहे.
याबाबतच सीसीटीव्ही फुटेज समोर आलं आहे. त्या फुटेजनुसार शरद पवार यांच्या घरावरील हल्याचा कट सदावर्ते ज्या इमारतीमध्ये राहतात त्या क्रिस्टल इमारतीच्या गच्चीवर शिजल्याचा आरोप केला जात आहे. कारण याबाबतचे सदावर्ते यांच्या बिल्डिंगवरील CCTV समोर आले आहेत.
पाहा व्हिडीओ -
तर या CCTV मध्ये १२ कामगार हे त्या रात्री इमारतीच्या गच्चीवर मिटिंगसाठी आले होते. या मिटिंगच्या दुसऱ्याच दिवशी शरद पवारांच्या घरावर हल्ला झाल्याचं पोलिस तपासात समोर आलं आहे. हे सीसीटीव्ही फुटेज पोलिसांच्या तपासासाठी अत्यंत महत्वाचे पुरावे असल्याचे सांगितलं जातं आहे. दरम्यान, आज गावदेवी पोलिसांकडून सदावर्तेच्या घरातून पैसे मोजायचं मशीन, दोन रजिस्टर ताब्यात घेतल्याची माहिती सरकारी वकील प्रदीप घरत यांनी दिली आहे.
Edited By - Jagdish Patil
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.