भाजप नगसेवक धनराज घोगरे यांच्या विरुद्ध आणखी एक गुन्हा दाखल

पुणे - भाजप नगसेवक धनराज घोगरे Dhanraj Ghogare यांच्या विरुद्ध आणखी एक गुन्हा दाखल करण्यात आला आहे. पोलिसांनी नगरसेवक धनराज घोगरे , सहदेव लक्ष्मण ढावरे, सुरेश तेलंग, विनोद माने पाटील, अ‍ॅड. अतुल पाटील तसेच घोगरे यांच्या कार्यालयात काम करणाऱ्या इतर दोघांविरुद्ध दाखल करण्यात आला आहे.

हे देखील पहा -

महापालिकेतील कामे मिळवून देतो, असे सांगून ठेकेदारांकडून ३ लाख रुपये घेतल्याप्रकरणी दाखल झालेल्या गुन्ह्यात भाजप नगरसेवकाने फिर्यादीचे अपहरण करुन कुटुंबाला संपविण्याची धमकी देऊन अ‍ॅफिडेव्हिटवर जबरदस्तीने सह्या घेतल्याचा धक्कादायक प्रकार उघड उघडकीस आला.

ठेकेदाराने लघवीचा बहाणा करुन कोर्टातून पलायन करुन दत्तवाडी पोलीस ठाण्यात धाव घेऊन तक्रार दिल्याने हा संपुन प्रकार उघडकीस आला आहे. निखील रत्नाकर दिवसे यांनी दत्तवाडी पोलीस ठाण्यात फिर्याद दिली आहे. पोलीस उपनिरीक्षक कामठे अधिक तपास करीत आहेत.

Edited By - Shivani Tichkule