Balasaheb Thackeray : मुख्यमंत्री उद्धव ठाकरेंकडून सुभाषचंद्र बोस, बाळासाहेब ठाकरेंना जयंतीनिमित्त अभिवादन

मुंबई : शिवसेनाप्रमुख बाळासाहेब ठाकरे आणि नेताजी सुभाषचंद्र बोस यांची आज जयंती आहे. जयंतीनिमित्त विविध क्षेत्रातील मान्यवरांनी सुभाषचंद्र बोस आणि बाळासाहेबांना अभिवादन केलं आहे. राज्याचे मुख्य़मंत्री आणि राजशिष्टाचार मंत्री आदित्य ठाकरे यांनी वर्षा निवासस्थानी सुभाषचंद्र बोस, बाळासाहेब ठाकरे (Subhashchandra Bose, Balasaheb Thackeray) यांच्या प्रतिमांना पुष्पहार घालून अभिवादन केलं आहे.

दरम्यान 'छत्रपती शिवाजी महाराज आणि भगवा यांनाच जीवन मानणारे हिंदुहृदयसम्राट शिवसेनाप्रमुख माननीय बाळासाहेब ठाकरे एक महान राष्ट्रभक्त आणि हिंदुत्त्वाचे तेजस्वी रूप होते. प्रबोधनकार केशव सीताराम ठाकरे यांच्याकडून त्यांनी पुरोगामित्व आणि सामान्य माणसाच्या व्यथांना आवाज देण्याची शिकवण घेतली असं ट्विट मुख्यमंत्र्यांनी (Uddhav Thackeray) केलं आहे.

तसंच, शिवसेनाप्रमुख मा. बाळासाहेब ठाकरे यांचे कार्य आणि नेतृत्त्व शब्दांत सामावणे अशक्य आहे. त्यांचे विचार पुढील पिढ्यांना देखील प्रेरणा देत राहतील. सामान्य माणसांच्या प्रश्नांवर प्रत्यक्ष मैदानात झुंजणाऱ्या, हिंदुत्त्व आणि मराठी माणसाचा बुलंद आवाज असलेल्या हिंदुहृदयसम्राट शिवसेनाप्रमुख माननीय बाळासाहेब ठाकरे यांना जयंतीनिमित्त विनम्र अभिवादन असही मुख्यमंत्री आपल्या ट्विटमध्ये म्हटंले आहेत.

Edited By - Jagdish Patil