अंबरनाथ: अंबरनाथ पालिकेनं (Ambernath Municipal Council) यंदाच्या वर्षी मालमत्ता कराची ७० टक्के वसूली केली आहे. ३१ मार्चपर्यंत, म्हणजेच आर्थिक वर्षाअखेर ९० टक्के कर वसूली (Tax Recovery) करण्याचं पालिकेचं उद्दिष्ट असणार आहे. अंबरनाथ (Ambernath) शहरात दरवर्षी एकूण ४२ कोटी रुपयांचा मालमत्ता कर जमा होणं अपेक्षित असतं. यामध्ये रहिवासी आणि औद्योगिक अशा दोन्ही मालमत्तांचा समावेश आहे. यामध्ये यंदाच्या आर्थिक वर्षात आत्तापर्यंत २९ कोटी रुपयांची, म्हणजेच ७० टक्के कर वसूली करण्यात आली आहे. (Ambernath Municipality collects 70 percent of property tax! Aim for 90 percent recovery by the end of the financial year)
हे देखील पहा -
३१ मार्चपर्यंत नागरिकांना कर भरता येणार असून तोपर्यंत ९० टक्के कर वसूलीचं उद्दिष्ट नगरपालिकेने ठेवलंय. विशेष म्हणजे यंदाच्या वर्षी पालिकेनं अनेक नव्या मालमत्तांना कर लावला असून त्यामुळे पालिकेच्या तिजोरीत अतिरिक्त २ कोटी रुपयांची भर पडणार आहे. अंबरनाथ नगरपालिकेनं केलेल्या या ७० टक्के वसुलीपैकी जवळपास ३० टक्के वसूली ही गेल्या महिन्याभरात झालीये. त्यापूर्वी शासनाकडून आलेले ३ अधिकारी फारशी वसूली करू शकले नव्हते, अशीही बाब समोर आलीये.
दरम्यान, ३१ मार्चपर्यंत मालमत्ता कर (Property Tax) न भरल्यास मालमत्तांवर जप्तीची कारवाई करण्याचा इशाराही नगरपालिकेने दिलाय. त्यामुळं नागरिकांनी कारवाई आणि दंड टाळण्यासाठी लवकरात लवकर मालमत्ता कर भरण्याचं आवाहन नगरपालिका प्रशासनाने केलं आहे.
Edited By - Akshay Baisane
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
