Abhishek Ghosalkar: हत्या प्रकरणात मोठी अपडेट; घटनेचे सर्व CCTV फुटेज कुटुंबियांना दाखवा: हायकोर्ट

सचिन गाड

मुंबई: अभिषेक घोसाळकर हत्याप्रकरणात मोठी अपडेट समोर आलीय. पोलिसांनी ९० दिवसांच्या आत अवघ्या ६० दिवसात मुंबई पोलिसांनी तपास पूर्ण करून आरोपपत्र दाखल केलं. मात्र पोलिसांनी मूळ तक्रारदार आणि अभिषेकची पत्नी तेजस्वीचं म्हणणं नीट ऐकून घेतलं नसल्याचा आरोप कुटुंबियांनी केलाय केलाय. या हत्येप्रकरणातील याचिकेवरील सुनावणी जून महिन्यापर्यंत तहकूब करण्यात आलीय.

घोसाळकर यांच्या हत्येप्रकरणी पोलिसांनी आज मुंबई उच्च न्यायालयात आरोपपत्र दाखल केलंय. पोलिसांनी ९० दिवसांच्या आत तपास पूर्ण करत ६० दिवासांमध्येच आरोपपत्र दाखल केल्याचा दावा पोलिसांनी केलाय. मात्र पोलिसांच्या या दाव्याला घोसाळकर यांनी विरोध केलाय. मूळ तक्रारदार आणि अभिषेकची पत्नी तेजस्वीचं म्हणणं नीट ऐकून घेतलं नसल्याचा आरोप कुटुंबियांचा केलाय. यावर पोलिसांनी कोर्टातच उत्तर दिलंय. तक्रारदार रोज काहीतरी नवीन कागदपत्र सादर करत असल्याची तक्रार पोलिसांकडून करण्यात आली.

हत्येसंबंधित सर्व फुटेज गुगल टाईमनुसार ताब्यात घेतल्याचा दावा पोलिसांनी केलाय. मात्र कुटुंबियांच्या आरोपानंतर मुंबई उच्च न्यायालयाने दखल घेत सर्व सीसीटीव्ही फुटेज कुटुंबियांना दाखवण्यात यावेत असे निर्देश पोलिसांना दिलेत. दरम्यान आरोपपत्र दाखल करण्यात आलेलं सर्व काही कुटुंबियांना दिल्याचा दावा पोलिसांनी केलाय.