शेकडो वर्षांच्या पुरातन मुर्तींचे पंढरपूरात भाविकांना होणार दर्शन

पंढरपूर : सावळ्या विठुरायाच्या दर्शनासाठी देशभरातून लाखो भाविक पंढरपुरात येतात. विठ्ठल रुक्मिणी दर्शनाबरोबरच आता भाविकांना शेकडो वर्षांपूर्वीच्या पुरातन मुर्तींचा खजिना देखील पाहता येणार आहे. Old Idols of Deities will be Displayed in Pandharpur

पूर्वीपासून महाराष्ट्र, कर्नाटक आणि आंध्र प्रदेशातील लाखो लोकांचे पंढरपूर हे श्रद्धास्थान असल्याने ही मंडळी आपले देव विठ्ठल मंडईत आणून देत. येथे बैरागी कुटुंब गेल्या 18 पिढ्यांपासून या मूर्ती स्वीकारून त्याचे पूजन करत होते. नामदेव महाद्वार बांधण्यापूर्वी 1997 पर्यंत येथे 33 कोटी देवता मंदिर महाद्वारात होते.

हे देखिल पहा

बैरागी यांच्या 18 पिढ्या गेली 700 वर्षांपासून येथे या मूर्ती घेण्याचे व त्यांचे पूजन करायचे काम करीत होता. यानंतर महाद्वाराच्या बांधकाम करताना हे 33 कोटी देवता मंदिर पाडून या सर्व पुरातन मुर्ती मंदिर समितीने ताब्यात घेतल्या होत्या. याच मुर्त्या मंदिरातील एका खोलीत ठेवून त्याचे पूजन केले जात होते. Old Idols of Deities will be Displayed in Pandharpur

मंदिर समितीचे कार्यकारी अधिकारी व प्रशासनाने या मूर्तीं बाहेर काढून यातील अतिशय पुरातन आणि दुर्मिळ मूर्ती भाविकांना पाहता याव्यात यासाठी वेगळे दालन केले आहे. यात अनेक वर्षापूर्वीच्या कृष्ण, महादेव, गणेश, विष्णू, बालाजी, शाळीग्राम, यासह देवीच्या विविध रूपातील कोरीव पितळी व तांब्याच्या मूर्तींचा समावेश आहे.

यामध्ये गरुड, महिशा सुर मर्दिनी , रिद्धी सिद्धी, गणेश , पार्वती, महादेव अशा अनेक दुर्मिळ मुर्त्यांचा समावेश आहे. गोपालक कृष्णाच्या मूर्तीजवळ गाई उभ्या असलेली मूर्तीही अशीच देखणी आहे. Old Idols of Deities will be Displayed in Pandharpur

या मूर्त्यांसाठी विठ्ठल सभामंडपात एक दालन बनवले असून या दालनात या पुरातन मूर्ती भाविकांना पाहता येणार आहेत. कोरोनामुळे विठ्ठल मंदिर बंद असले तरी मंदिर खुले झाल्यानंतर या देखण्या पुरातन मूर्ती पाहण्याचा आनंद भाविकांना घेता येणार आहे.

Edited By - Amit Golwalkar