फ्लाईंग सिख मिल्खा सिंग यांचे निधन

नवी दिल्ली : फ्लाईंग सिख या नावाने ओळखले जाणारे धावपटू मिल्खा सिंग यांचे आज कोरोनाने निधन झाले. गेले ३० दिवस ते कोरोनाने ग्रस्त होते. ते ९१ वर्षांचे होते. त्यांच्या पत्नीचे पाचच दिवसांपूर्वी निधन झाले.

मिल्खा सिंग यांनी चार वेळा आशियाई स्पर्धेत सुवर्ण पदक मिळवले होते. १९६० च्या रोम आॅलिंपिक स्पर्धेत त्यांचे कांस्य पदक हुकले. ते ४०० मीटर धावण्याच्या शर्यतील चौथे आले होते. त्यावेळी त्यांनी ४५.६ सेकंदांची वेळ नोंदवली होती. त्यांचा हा राष्ट्रीय विक्रम १९९८ मध्ये परमरजीत सिंग याने मोडला.

१९५६ च्या आशियाई स्पर्धेत २०० मीटर, ४०० मीटर धावण्याच्या स्पर्धेत त्यांनी सुवर्ण पदक मिळवले होते. ४०० मीटर आणि ४X४०० मीटर रिले स्पर्धेत १९६२ मध्ये त्यांनी सुवर्णपदक पटकावले होते.