Bhandara Crime News : भंडारा बसस्थानकात सुरक्षा रक्षकावर हल्ला, तरुणावर गुन्हा दाखल

- शुभम देशमुख

Bhandara News : भंडारा येथील बसस्थानकातील सुरक्षा रक्षकास तरुणाने मारहाण केली. तसेच वाहनाच्या डिक्कीतून धारदार शस्त्र काढून प्रहार केला. याप्रकरणी पाेलिसांनी सुरक्षा रक्षकाच्या तक्रारीवरुन तरुणावर गुन्हा दाखल केला आहे. (Maharashtra News)

पाेलिसांनी दिलेल्या माहितीनूसार सुरक्षारक्षक आनंदराव घाटोळे यांच्या तक्रारीवरून अनुप (फिर्यादीस, संपुर्ण नाव माहिती नाही) राहणार टप्पा मोहल्ला या तरुणाविरुद्ध गुन्हा दाखल केला आहे. अनुप हा दुचाकीवरुन बसस्थानकात आला.

तसेच घाटोळे यांच्याकडे येऊन काही न बोलता त्यांच्या कानशिलात मारली. यावेळी त्यांचे सहकारी योगेश कुकडे तिथे धावत आले. घाटोळे यांना का मारहाण करीत आहे? असे विचारले. यावेळी अनुपने दुचाकीमधून धारदार शस्त्र काढून घाटोळे यांना मारण्यास धावला.

यावेळी कुकडे याने शस्त्र हातात लागला परिणामी कुकडे यांच्या हाताला मार लागल्याने ते जखमी झाले. घाटोळे यांची तक्रार व वैद्यकीय अहवालावरून भंडारा पोलिसांनी अनुपविरुद्ध गुन्हा दाखल केला आहे.

Edited By : Siddharth Latkar