Weather Update: पुणे: पुण्यात थंडीची हुडहुडी कायम आहे. पुढील चार दिवस गारठा आणखी वाढण्याची शक्यता आहे. ढगाळ हवामान आणि थंड वाऱ्यामुळे शहर आणि परिसरात गारठा जाणवत आहे (Weather Update Temperature Drop In Pune And Nashik).
पुढील 2 दिवस पहाटे धुके पडण्याची शक्यता हवामान विभागाने वर्तवली आहे. तर काल पुण्यात (Pune) तापमानाचा पारा खाली घसरुन 10 अंशावर आला होता.
नाशकातही थंडीची लाट
नाशिकसह (Nashik) उत्तर महाराष्ट्रात थंडीची लाट पसरली आहे. निफाडमध्ये (Niphad) थंडीचा पारा आणखी घसरला आहे. निफाडमध्ये हंगामातील सर्वात निच्चांकी तापमानाची नोंद करण्यात आली आहे. निफाडमध्ये 4.5 अंश सेल्सिअस तापमानाची नोंद करण्यात आलीये. कडाक्याच्या थंडीने निफाडकरांना हुडहुडी भरली आहे.
नाशिकमध्येही तापमानाचा पारा (Temperature) घसरला आहे. उत्तरेकडून वाहणाऱ्या थंड वाऱ्यांमुळे उत्तर महाराष्ट्र गारठला आहे. नाशिकमध्ये 6.3 अंश सेल्सिअस तापमानाची नोंद करण्यात आली आहे.
Edited By - Nupur Uppal
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
