Washim News: लॉजमध्ये काम करणाऱ्या युवकाने संपविले जीवन

मनोज जयस्वाल

वाशिम : वाशिम शहरातील एका लॉजमध्ये काम करणाऱ्या युवकाने रुममधील छताच्या पंख्याला गळफास लावून (Washim) आत्महत्या केल्याची घटना घडली. हि घटना आज सकाळी उघडकीस आली आहे. हा युवक रात्री लॉजमध्ये काम करून दिवसा शिक्षण घेत होता. (Maharashtra News)

योगेश मोरे असं आत्महत्या केलेल्या युवकाचे नाव आहे. आत्महत्या केल्याची माहिती मिळताच लॉज समोर बघ्याची मोठी गर्दी झाली होती. घटनेची माहिती मिळताच पोलीसांनी घटनास्थळी धाव घेत पंचनामा केला. मृतदेह खाली उतरून शवविच्छेदनासाठी जिल्हा सामान्य रुग्णालय वाशिम येथे पाठविण्यात आले आहे.

आत्महत्येचे कारण अस्पष्ट 

योगेशने आत्महत्या का केली? याचे कारण अद्यापही अस्पष्ट असून वाशिम शहर पोलीस याचा तपास करीत आहे. या घटनेमुळे शहरात एकच खळबळ उडाली आहे.