![sangli crime news, youth, arrests, vita police](http://media.assettype.com/saamtv%2F2023-09%2Ff3ba0c36-7fea-4f7f-939f-10818ed912c5%2FSaam_Templet_Banner_new__29_.jpg?w=480&auto=format%2Ccompress&fit=max)
Vita Police News : सांगली जिल्ह्यात आलिशान कार चोरणाऱ्या सराईत चाेरट्यास पाेलिसांनी अटक केली आहे. ही कामगिरी विटा पोलिसांनी बजावली आहे. संशयिताकडून अन्य काही गुन्हे उघडकीस येण्याची शक्यता पाेलिस निरीक्षक संताेष डाके यांनी व्यक्त केली आहे. (Maharashtra News)
विटा पाेलिसांनी दिलेल्या माहितीनूसार रोहन बिरू सोनटक्के (वय २१, राहणार मुरूम, जिल्हा. उस्मानाबाद (धाराशिव) असे अटक (arrests) केलेल्याचे नाव आहे. त्याच्याकडून पावणेनऊ लाख रूपये किमतीची कार जप्त केल्याची माहिती पाेलिसांनी दिली.
पाेलिसांनी दिलेल्या माहितीनूसार २४ ऑगस्टला विट्यातील एनएस आटो केअर येथून एक आलिशान कारची चोरी झाली हाेती. त्याबाबतची तक्रार संतोष भोईटे यांनी दिली होती. अज्ञातांवर गुन्हा दाखल केल्यानंतर पाेलिस निरीक्षक डोके यांनी गुन्हे प्रकटीकरण पथकाला चोरट्यांना शोधण्याच्या सूचना दिल्या होत्या.
भाेसरीतून संशियतास घेतले ताब्यात
पथकाने सीसीटीव्ही फुटेजची तपासणी करून तसेच तांत्रिक तपास करत संशयित भोसरी (पुणे) येथे असल्याची माहिती मिळाली. पाेलिसांच्या पथकाने तेथे सापळा रचून संशयितास कारसह ताब्यात घेतले. त्याच्याकडे कसून चौकशी केल्यानंतर त्याने चोरीची कबुली दिल्याची माहिती संतोष डोके यांनी दिली.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.