Nashik News: पोलिसांच्या जाचाला कंटाळून सराफ व्यवसायिकाने संपवलं जीवन; नाशिकमधील हृदय हेलावणारी घटना

तबरेज शेख

Nashik: नाशिक शहरामधून एक दु:खद घटना समोर आली आहे. नाशिकरोड येथील सराफ व्यावसायिकाने घरात गळफास लावून घेत आत्महत्या केली आहे. या व्यक्तीने पोलिसांच्या जाचाला कंटाळून आपले जीवन संपवल्याचं त्यांच्या कुटुंबियांच म्हणणं आहे. (Latest Nashik News)

मिळालेल्या माहितीनुसार, शनिवार लोखंडे मळा नाशिकरोड येथे ही घटना उघडकीस आली. दिपक कमळकर दुसाने (वय २९) असं या सराफ व्यावसायिकाचे नाव आहे.चोरीचे सोने विकत घेतल्याच्या संशयातून ठाणे ग्रामीण पोलिसांनी चौकशीसाठी त्यांना ताब्यात घेतले होते.

यातून आत्महत्या केल्याचा आरोप नातेवाईकांनी केला आहे.या बाबत उपनगर पोलिस ठाण्यात अक्समात मृत्यूची नोंद करण्यात आली आहे. दिपक हे एक सराफ व्यवसायिक होते. नाशकात सोने चोरीच्या घटना वाढत चालल्या आहेत. त्यामुळे दिपक यांनी चोरीचं सोनं विकत घेतलं आहे असा संशय पोलिसांना होता.

त्यामुळे पोलिसांनी त्यांना चौकशीसाठी बोलवलं होतं. या घटनेने दिपक दुखावले गेले. त्यांना चोरीचे सोने घेतले नव्हते. मात्र तरी देखील त्यांना ताब्यात घेत त्यांची चौकशी करण्यात आली याचे त्यांना फार वाईट वाटले. तसेच आपली बदनामी झाल्याची भावना त्यांच्या मनात आली. त्यामुळेच त्यांनी आपलं जीवन संपवण्याचा निर्णय घेतल्याचं कुटुंबियांच म्हणणं आहे.