Nagpur Crime News: नागपूरमध्ये गुन्हेगारीच्या (Nagpur Crime) घटना दिवसेंदिवस वाढत चालल्या आहेत. मैत्रिणीशी बोलण्यावरुन तिघांनी एका तरुणावर जीवघेणा हल्ला केल्याची घटना समोर आली आहे. या हल्ल्यात तरुण गंभीर जखमी झाला आहे. या घटनेप्रकरणी नागपूर पोलिसांनी तिघांविरोधात गुन्हा दाखल केला आहे. याप्रकरणाचा तपास पोलिसांकडून सुरु आहे.
मिळालेल्या माहितीनुसार, नागपूरच्या कपिलनगर पोलिस ठाण्याच्या हद्दीत ही घटना घडली आहे. मैत्रिणीशी बोलण्याच्या वादातून एका तरुणावर तिघांनी चाकूने हल्ला केला. या हल्ल्यात कपिलनगर येथे राहणारे रोहित उर्फ बजरंग सुनील वाघ (28 वर्षे) हा गंभीर जखमी झाला आहे. त्याच्यावर सध्या रुग्णालयात उपचार सुरु आहेत
रोहितची गेल्या सहा महिन्यांपासून घराजवळ राहणाऱ्या एका तरुणीशी मैत्री झाली. तिच्या नवीन घराचे प्रबुद्धनगर येथे बांधकाम सुरू आहे. तेथे रोहित आणि ती नेहमीच जायचे. रात्री साडेनऊ वाजताच्या सुमारास ते दोघेही बांधकाम सुरू असलेल्या इमारतीच्या पहिल्या मजल्यावर बसून जेवण करत होते. त्याच वेळी तिथे तिघे जण आले. आरोपींनी सोबत चाकू आणला होता.
आरोपींनी रोहितवर चाकूने हल्ला केला. या हल्ल्यात रोहितल्या डोक्याला आणि हाताला गंभीर जखम झाली. रोहितने आपला जीव वाचवण्यासाठी तिथून पळ काढला. तर त्याच्यासोबत असलेली तरुणी देखील सुरक्षित ठिकाणी जाऊन लपली. रोहितवर हल्ला केल्यानंतर हल्लेखोर तिथून फरार झाले. रोहितवर सध्या नागपूरच्या मेडिकलमध्ये उपचार सुरु आहेत. याप्रकरणी रोहितने दिलेल्या तक्रारीवरुन पोलिसांनी आरोपींविरोधात गुन्हा दाखल केला आहे. पोलिसांनी एका आरोपीला ताब्यात घेतले असून दोघांचा शोध सुरु आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
