बीड: बीडच्या अंबाजोगाईत भरदिवसा चोरट्याने सराफा व्यापाऱ्याचे लाखो रुपयांचे सोन्याचे दागिने ठेवलेली स्कुटी घेऊन पोबारा केल्याची घटना घडलीये. तर ही घटना दोन दिवसांपूर्वी उघडकीस आली असून स्कुटीची डिग्गी तोडून त्यातील सोने चोरुन घेऊन जाताना चोरटे सीसीटीव्हीत कैद झाले आहेत.
बीड (Beed) येथील अंबाजोगाई शहरातील सराफा (Sarafa) व्यापारी राहुल राठोड यांचे गुरुवार पेठेत सोन्या-चांदीचे दुकान आहे. दोन दिवसांपूर्वी रात्री दुकान (Shop) बंद करून गेल्यानंतर, चोरट्यांनी शटरच्या कुलुपात फेवीक्विक आणि वाळू टाकली. सकाळी राठोड नेहमीप्रमाणे स्कुटीच्या डिकीत सोन्याचे दागिने घेऊन दुकानाकडे आले. परंतु, कुलूप उघडत नसल्याने ते स्कुटी घेऊन छत्रपती शिवाजी महाराज चौकातील चावीवाल्याकडे गेले.
यावेळी ते चावी वाल्यासोबत बोलत असताना चोरट्यांनी (Thief) त्यांची स्कुटी घेऊन पोबारा केला. त्या स्कुटीच्या डिकीत लाखो रुपयांचे दागिने होते. या प्रकरणी अंबाजोगाई शहर पोलिसांत गुन्हा दाखल (FIR) झालाय. दरम्यान, या घटनेमुळे अंबाजोगाई शहरात खळबळ उडाली असून व्यापारी वर्गात दहशत निर्माण झाली आहे.
Edited By - Nupur Uppal
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.