शिवसेना कुणाची? शिंदे की ठाकरेंची? धनुष्यबाण कुणाकडे राहणार?

महापालिका निवडणुका तोंडावर आहेत.. अशात खरी शिवसेना कुणाची? असा प्रश्न पुन्हा एकदा चर्चेला आलाय.. त्याला कारण ठरलयं... 12 नोव्हेंबरला शिवसेना पक्ष आणि चिन्ह या वादावर सर्वोच्च न्यायालयात होणारी अंतिम सुनावणी.. राज्यात स्थानिक स्वराज्य संस्थांच्या निवडणुकांची रणधुमाळी सुरु आहे.. त्यामुळे सुनावणीत एकनाथ शिंदे यांचे विमान सर्वोच्च न्यायालय जमिनीवर पाडणार का? हे लवकरच कळेल असा खोचक टोला कायदेतज्ञ्ज्ञ असीम सरोदेंनी लगावलाय...

गेल्या 3 वर्षांपासून शिवसेना पक्ष आणि चिन्हाच्या वादाचा खटला सुरु आहे.. अशातच न्यायाधीश सूर्यकांत 12 नोव्हेंबरला होणाऱ्या सुनावणीत नेमका काय निकाल देतात? याकडे दोन्ही पक्षाचं लक्ष लागलयं... मात्र आता तरी अंतिम निकाल लागणार का .. स्थानिक स्वराज्य संस्थांच्या निवडणुकीवर काय परिणाम होणार? की पुन्हा तारीख पे तारीख ...? याकडे राज्याचं लक्ष लागलंय..