सोलापुर : सोलापुरातील बार्शी तालुक्यातील उपळाई ठोंगे येथील महिला बचत गटाला बॅंकेत मंजूर झालेल्या कर्जाची नव्वद हजार रुपये रक्कम बार्शी-सोलापूर रस्त्यावरील एचडीएफसी बँकेतून काढून महिला वाहनाकडे जात असताना दुचाकीवर आलेल्या दोन भामट्यांनी त्यांच्या हाताला हिसका देऊन रक्कम लंपास केली.
याबाबत बार्शी शहर पोलिसांत दोन जणांविरोधात गुन्हा दाखल झाला आहे. हिराबाई केशव ठोंगे यांनी याबाबत फिर्याद दिली आहे. ही घटना एचडीएफसी बँकेजवळ शनिवारी दुपारी अडीच ते तीनच्या दरम्यान घडली आहे.
दाेघांनी रक्कम लुटलेल्या बचत गटाचे नाव हे 'रेणुकादेवी बचत गट' असे आहे. हे बचत गट उपळाई येथील आहे. चोरट्यांनी पैशावर डल्ला मारल्याने बचत गटातील गरजू महिलांना आर्थिक मदत कशी करायची असा यक्ष प्रश्न महिलांसमोर उभा राहिला आहे.
editor : siddharth latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
