सिंधुदुर्ग जिल्हा बँकेची निवडणूक जाहीर; नारायण राणे यांची प्रतिष्ठा पणाला

सिंधुदुर्ग - जिल्हा बँकेची निवडणूक (Election) जाहीर झाली आहे. जिल्हा बँकेच्या संचालक मंडळाकरिता ३० डिसेंबर रोजी निवडणूक होणार आहे. तर जिल्हा बँकेच्या निवडणुकीची मतमोजणी ३१ डिसेंबर रोजी होणार आहे. त्यानुसार आजपासून म्हणजे २९ नोव्हेंबर ते ३ डिसेंबरपर्यंत नामनिर्देशन पत्र उपविभागीय अधिकारी महसूल यांच्याकडे दाखल करता येणार आहेत. सिंधुदुर्गातील राजकारणाच्या दृष्टीने तसेच भाजप आणि महाविकास आघाडीच्या दृष्टीने सिंधुदुर्ग जिल्हा बँक निवडणूक प्रतिष्ठेची मानली जात आहे.

हे देखील पहा -

सिंधुदुर्ग जिल्हा बँकेचे विद्यमान अध्यक्ष सतीश सावंत यांच्याकरिता ही निवडणूक प्रतिष्ठेची असणार आहे. भाजपच्या दृष्टीने ही निवडणूक जिंकणे महत्त्वाचे असणारे आहे. महाविकास आघाडीच्या माध्यमातून भाजपाचा सामना या निवडणुकीत होण्याची शक्यता आहे. भाजपा विरुद्ध महाविकास आघाडीतील ३ पक्ष या निवडणुकीत एकमेकांसमोर उभे ठाकण्याची शक्यता आहे. त्यादृष्टीने गेल्या सहा महिन्यांहून अधिक काळ रणनीती आखली जात आहे.

त्यामुळे नारायण राणे यांची प्रतिष्ठा पणाला लागलेली आहे राणा यांच्या अस्तित्वाची लढाई म्हणून जिल्हा बँकेकडे पाहिला जात आहे मात्र वारंवार निवडणूक लांबणीवर पडत असल्याने सर्वांची उत्सुकता शिगेला ताणलेली असतानाच आता अखेर जिल्हा बँकेच्या निवडणुकीचे बिगुल वाजले आहे.

Edited By - Shivani Tichkule