Fake medicine : डायबेटीजची औषधं घेत असाल तर सावधान! पोलिसांकडून औषधांच्या बोगसगिरीचा पर्दाफाश, पाहा स्पेशल रिपोर्ट

तुम्ही डायबेटीजची औषधं घेत असाल तर सावधान..! डायबेटीज आजार माणसाचं शरीर हळूहळू पोखरत जातो... त्यामुळे डायबेटीज आणि लठ्ठपणावर नियंत्रणासाठी 12 कोटींपेक्षा जास्त लोक औषधं आणि इंजेक्शन घेतात. मात्र ही औषधंच बोगस असल्याचं उघड झालंय. मुंबई पोलिसांनी 4 ठिकाणी छापेमारी करत या बोगसगिरीचा पर्दाफाश केलाय.

डायबेटीज आणि लठ्ठपणा यावर नियंत्रण मिळवण्यासाठी सर्वसामान्य नागरिकांपासून ते सेलिब्रेटी इंजेक्शनचा वापर करतात... या इंजेक्शनची किंमत 40-50 हजार इतकी आहे... या बोगस औषधांविरोधात एफडीए आणि मुंबई महापालिकेने धडक मोहीम उघडली.. त्यानंतर आता पोलिसांनी वांद्रे, अंधेरी, घाटकोपर, पाली हिल भागात छापेमारी करत इंजेक्शन्स् जप्त केली आहेत...तर 2 जणांच्या मुसक्या आवळल्यात.

महाराष्ट्रात 10 टक्क्यांपेक्षा जास्त लोक डायबेटीजवर नियंत्रण मिळवण्यासाठी औषधं घेत आहेत.. मात्र ही औषधं विनापरवाना दुसऱ्या देशातून कुरियरद्वारे आणली जातात... त्याची सोशल मीडियावर जाहिरात केली जाते आणि त्यातच सर्वसामान्य नागरिक फसतो... या बोगसगिरीचा पर्दाफाश कऱण्यासाठी पोलीस सतर्क झाले आहेत.. मात्र तुम्हीही सोशल मीडियावर जाहिरात पाहून औषधं घेत असाल तर सावध राहा....