Shivrajyabhishek Din : किल्ले रायगडावर तिथीनुसार शिवराज्याभिषेक सोहळा, देशभरातून शिवभक्त दाखल

Shivrajyabhishek Din : हिंदवी स्वराज्याचे संस्थापक छत्रपती शिवाजी महाराज यांच्या राज्याभिषेक सोहळ्याचं यंदाचे ३५० वे वर्ष आहे. किल्ले रायगडावर राज्याभिषेक सोहळ्याचे औचित्य साधून दिमाखदार सोहळ्याचं आयोजन करण्यात आलं आहे. देशभरातून शिवप्रेमी किल्ले रायगडावर दाखल झाले आहेत.

ज्येष्ठ शुद्ध त्रयोदशीला म्हणजेच आजच्या दिवशी छत्रपती शिवाजी महाराज यांच्या राज्याभिषेक सोहळ्याला ३५० वर्ष पूर्ण होत आहेत. रायगडवर आज तिथीप्रमाणे शिवराज्याभिषेक दिन साजरा केला जात आहे. 6 जूनपर्यंत हो सोहळा साजरा करण्यात येणार आहे. (Latest Marathi News)

राज्य शासनाच्या वतीनं आयोजित या सोहळ्याला गुरुवारी शिर्काईमातेच्या पूजनानं सुरुवात झाली. त्यानंतर दिवसभरात रायगडावरील गंगासागर तलाव आणि विविध देवदेवतांचं पूजन करण्यात आलं. शिवराज्याभिषेक सोहळ्याच्या निमित्तानं रायगडावर ५ आणि ६ जून या कालावधीत अनेक सांस्कृतिक कार्यक्रमांचे आयोजन केले आहे.

किल्ले रायगडावर आज पार पडणाऱ्या राज्याभिषेक सोहळ्याला राज्याचे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्यासह अनेक मान्यवर उपस्थित राहणार आहेत. पुढील काही दिवस देशभरातून शिवभक्त रायगडावर येतील. या सर्वांच्या जेवणानी आणि न्याहरीची सोय किल्ल्यावरच करण्यात आली आहे.