Sangli News: सांगलीचा झालाय 'उडता पंजाब'? सार्वजनिक उद्यानात विद्यार्थी नशेत धुंद

तेजल नागरे, साम प्रतिनिधी

पालकांनो, तुम्हाला तुमची मुलं काय करतायत ते माहितीय का? तुमचं त्यांच्याकडे लक्ष आहे का? आम्ही असं का म्हणतोय असा प्रश्न पडला असेल तर ही बातमी काळजीपूर्वक पाहा.शालेय मुलं नशेच्या विळख्यात अडकलीयेत. पाहुयात याच संदर्भातला स्पेशल रिपोर्ट.

सार्वजनिक उद्यान म्हणजे लहान मुलांचं खेळण्या-बागडण्याचं ठिकाणं. मात्र याच जागी शाळकरी मुलं चक्क नशेत धुंद असल्याचं दिसतंय. सांगली शहरातला एक धक्कादायक व्हिडिओ समोर आलाय. ज्या वयात हातात पुस्तक असतं त्या वयात या मुलांच्या हातात हुक्का दिसतोय. मुख्य म्हणजे ही मुलं लपून छपून नाही तर खुलेआम सार्वजनिक उद्यानात नशा करत असल्याचं दिसतंय.त्यामुळे सार्वजनिक स्वास्थ्य अबाधित राखण्याची जबाबदारी असणाऱ्या पोलिसांचे अशा घटनांकडे लक्ष आहे का की पोलिसाचं याला अभय आहे असा प्रश्न यानिमित्ताने उपस्थित होतोय.

देशाचं भवितव्य या चिमुकल्या हातात असतं.त्यामुळे या हातात या वयातच सर्रासपणे असे नशेचे पदार्थ दिसले तर त्यांच्या भविष्याचं काय. त्यामुळे आपली मुलं काय करतायत याकडे पालकांनी डोळ्यात तेल घालून लक्ष ठेवणं जितकं गरजेचं आहे तेवढंच शिक्षकांनी विद्यार्थ्यामध्ये प्रबोधन करण्याची गरज आहे..हे अंमली पदार्थ इतक्या सहजपणे कसे उपलब्ध होतात याचा तपास करण्याची जबाबदारी पोलिस यंत्रणेची आहे.