Beed: रस्त्याचं काम ठरतंय नागरिकांची डोकेदुखी; वाहनधारकांना करावी लागतेय कसरत

बीड - शहरात अतिशय संथ गतीने सुरू असलेलं रस्त्याचं काम, नागरिकांची डोकेदुखी ठरत आहे. वाहनधारकांना आपली वाहनं चालवतांना, मोठ्या प्रमाणात वाहतूक कोंडीचा सामना करावा लागत आहे. शहरातील जालना रोड (Jalna) आणि बार्शी (Barshi) रोडच्या मुख्य रस्त्याचं काम, सध्या सुरु असून यामुळं धुळीचे लोळ आणि वाहतूक कोडीनें नागरिक त्रस्त झाले आहेत.

हे देखील पहा -

तर या रस्ता कामामुळे नागरिक शहरातील भाजी मंडई, सुभाष रोड , माळीवेस, शाहू नगर भागातून जात आहेत. परिणामी प्रत्येक पाच ते दहा मिनिटाला या भागामध्ये देखील वाहतुकीची कोंडी होत असल्याने, नागरिकांचा जीव अगदी मेटाकुटीला येत असल्याचे पाहायला मिळतंय. तर दुसरीकडे धुळीचे लोळ मोठ्या प्रमाणात निघत असून यामुळं नागरिकांच्या आरोग्याचा देखील प्रश्न निर्माण झाला.

दरम्यान दिवसभरात वाहतुकीचे नियोजन लावण्यास वाहतूक पोलिसांची देखील दमछाक होत असून रस्त्याच्या कामाची गती वाढवून लवकरात लवकर काम पूर्ण करावे. अशी मागणी बीडकरांमधून होत आहे.

Edited By - Shivani Tichkule