मराठा संघटना आक्रमक; नांदेड - हैदराबाद महामार्गावर टायर जाळून सरकारचा निषेध

नांदेड - खासदार संभाजी राजे (Sambhaji Raje) यांच्या उपोषणाची दखल न घेणाऱ्या सरकारच्या विरोधात नांदेड (Nanded) मधील मराठा संघटना आक्रमक झाली आहे. आज सकाळी नांदेड - हैदराबाद महामार्गावरील कापसी येथे टायर जाळून सरकारचा निषेध करण्यात आला आहे. खासदार संभाजी राजे भोसले यांनी सुरु केलेल्या बेमुदत उपोषणाचा आज तिसरा दिवस आहे आहे.

हे देखील पहा -

मात्र राज्य सरकार कडून कसलीही दखल घेतली जात नसल्याचा आरोप केला जात आहे. नांदेड-हैद्राबाद महामार्गावर टायर जाळून मराठा समाजाने राज्य सरकारचा निषेध व्यक्त केला आहे. खासदार संभाजी राजे यांची खालावलेली प्रकृती पाहता मराठा समाज आणखी आक्रमक होण्याची शक्यता आता वर्तवली जात आहे. टायर पेटल्याने नांदेड - हैदराबाद महामार्गावरील वाहतूक काही काळ विस्कळीत झाली होती.