लातूर - जिल्ह्यातील निलंगा (Nilanga) तालुक्यातील औराद शहाजानी येथील एका व्यापाऱ्याचे घर फोडून सव्वासात लाखांचे दागिने व रोख रक्कम चोरुन नेल्याची घटना घडली होती. औराद पोलिसांनी (Police) या प्रकरणात दमदार कामगिरी करीत २४ तासांत घरफोडी करणाऱ्या तिघांच्या मुसक्या आवळल्या आहेत. त्यांच्याकडून चोरीस गेलेला मुद्देमालही जप्त करण्यात आला आहे.
हे देखील पाहा -
औराद येथील एक व्यापारी २३ जुलै रोजी कुटुंबासह बाहेरगावी गेले होते. घरी कोणी नसल्याची संधी पाहून चोरट्यांनी दागिने व रोख असा ७ लाख २६ हजार ७०० रुपयांचा मुद्देमाल चोरुन नेला होता. याप्रकरणी औराद पोलिसांत गुन्हा दाखल केला होता. गुन्हा उघडकीस आणण्यासाठी सहाय्यक पोलीस निरीक्षक संदीप कामत यांनी पथकामार्फत तपासाची चक्रे गतिमान केली.
एका गोपनीय माहितीच्या आधारे पोलिसांनी बबलू उर्फ अमजद रजा शकील बेलोरे, सोहेल तैमूर पटेल आणि इम्रान खलीलमियाँ कासार बेलूरे यांना ताब्यात घेऊन गुन्ह्याबाबत विचारपूस केली असता आरोपींनी गुन्हा केल्याची कबुल केले व गुन्ह्यात चोरलेले दागिने व ५० हजार असे एकूण ७ लाख २६ हजार ७०० रुपयांचा मुद्देमाल काढून दिले. औराद शहाजानी पोलिसांनी मागील तीन दिवसांत चोरी व घोरपडीच्या गुन्ह्याचा तपास लावून १६ लाख रुपयांचा मुद्देमाल जप्त करून सहा आरोपींना अटक केलेली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
