पंढरपूर : रंगांचा उत्सव असलेला रंगपंचमी (Rangpanchami) सण महाराष्ट्रभर उत्साहात साजरा होत आहे. महाराष्ट्राचे आराध्य दैवत असलेल्या सावळ्या विठुरायाच्या मंदिरात देखील आज रंगोत्सव साजरा करण्यात आला. यावेळी भाविकांनी विठुरायाच्या पंढरीत रंगाची उधळण करीत आनंदोत्सव साजरा झाला. आज रंगपंचमी निमित्त श्री विठ्ठल रूक्मिणी (Vitthal-Rukmini) मातेला पांढरा पोशाख आणि पारंपारिक अलंकार परिधान करण्यात आले आहे. केशरी, गुलाबी, असे नैसर्गिक रंग विठुरायाला आणि रूक्मिणी मातेला लावून मंदिरात रंगपंचमीचा आनंदत्सव साजरा करण्यात आला.
हे देखील पहा :
श्री विठ्ठल (Vitthal) श्रीकृष्णाचा अवतार असल्याने रंगपंचमी उत्सव मोठ्या उत्साहाने आणि आनंदाने मंदिरात साजरा केला जातो. वसंत पंचमी ते रंगपंचमी श्री विठ्ठल रूक्मिणी मातेवर दररोज गुलालाची उधळण केली जाते. आज रंगपंचमीच्या शेवटच्या दिवशी मंदिराच्या (Vitthal-Rukmini-Mandir) डफाची पूजा करून नामदेव पायरी पासून मिरवणूक काढून मंदिर प्रदक्षिणा केली.
प्रांताधिकारी गजानन गुरव यांनी सपत्निक आज श्री विठ्ठलाची पूजा केली. यावेळी प्रांताधिकारी गजानन गुरव, तहसिलदार सुशील बेल्हेकर, मुख्य अधिकारी अनिल माळी, पोलिस अधिकारी विक्रम कदम, मंदिर व्यवस्थापक बालाजी पुदलवाड यांनी ढोल ताशा वर मंदिरात चांगलाच ठेका धरत रंगपंचमीचा आनंद लुटला.
Edited By : Krushnarav Sathe
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.